ءبىلىم جانە عىلىم مينيسترلىگى تاپسىرىس بويىنشا ديپلوم جازاتىندارمەن كۇرەستى قولعا الماقشى، دەپ حابارلايدى Almaty-akshamy.kz Egemen.kz-كە سىلتەمە جاساپ.
بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ۆەدومستۆودا وتكەن اپپاراتتىق جينالىستا مالىمدەدى.
«ديپلومدىق جۇمىستاردىڭ جىل سايىن قايتالاناتىنى ەشكىمگە جاسىرىن ەمەس. بىزدە ديپلومدىق جۇمىستار مەن جوبالاردى ازىرلەيتىن كولەڭكەلى نارىق بار. ولاردىڭ ءبارى بىردەي. اتالعان ماسەلەنى شەشۋ جانە الدىن الۋ ماقساتىندا ءبىز زاڭعا وزگەرىستەر ەنگىزۋ باستاماسىن كوتەرىپ وتىرمىز»، - دەدى اسحات ايماعامبەتوۆ.