«كوگەرىپ» كەتكەن ادامدى پرەپاراتتار جانە وكپەنى جاساندى جەلدەتۋ ارقىلى قۇتقارۋعا بولادى
لومونوسوۆ اتىنداعى ءممۋ-دىڭ عىلىمي قىزمەتكەرى، ۆيرۋسولوگ، مولەكۋليارلى بيولوگ ماكسيم سكۋلاچايەۆ كوروناۆيرۋسپەن ناۋقاستانعان ادامنىڭ تەرىسى اۋرۋ اعىمى اۋىر وتكەن جاعدايدا كوگەرۋى مۇمكىن، دەپ حابارلايدى Almaty-akshamy.kz ءتىلشىسى رەن-تۆ-عا سىلتەمە جاساپ.
بۇل قانداعى وتتەگىنىڭ جەتىسپەۋشىلىگىنەن جانە وكپە جۇمىسىنىڭ بۇزىلۋىنان بولادى.
«بۇل جاعدايدى پۋلسوكسيمەترمەن بولجاۋعا بولادى. وكسيگەناسيا بەلگىلى ءبىر دەڭگەيدەن تومەن تۇسسە، جەدەل جاردەم شاقىرۋ كەرەك جانە جاعدايدى سيانوزعا جەتكىزبەۋ كەرەك. COVID-19 اۋىر وتكەن جاعدايدا بولادى. مۇنداي كەزدە دەرەۋ اۋرۋحاناعا جاتقىزۋ، جان ساقتاۋ بولىمىنە جاتقىزۋ كەرەك»، - دەيدى ماكسيم سكۋلاچيەۆ.
بۇل قۇبىلىس سيانوز دەپ اتالادى – مۇنداي جاعدايدا مۇرنى مەن ەرنىنىڭ اينالاسى كوگەرىپ كەتەدى. ساراپشى مۇنداي ادامداردى پرەپاراتتارمەن جانە وكپەنى جاساندى جەلدەتۋ ارقىلى قۇتقارۋعا بولاتىنىن اتاپ ءوتتى.
يممۋنولوگ جانە مەديسينا عىلىمدارىنىڭ كانديداتى نيكولاي كريۋچكوۆتىڭ ايتۋىنشا، سيرەك جاعدايلاردا ينفەكسيالانعان ادامنىڭ بۇكىل دەنەسى كوگەرىپ كەتۋى مۇمكىن. ءبىراق بۇل زات الماسۋدىڭ بۇزىلۋىمەن بايلانىستى اۋىتقۋشىلىق بولىپ تابىلادى.