پەنتاگون مىندەتتى يممۋنداۋ تۋرالى جارلىق دايىنداۋدا.
مىسىردا Sinovac جۇڭگو ۆاكسيناسىنىڭ 15 ميلليون دوزاسى شىعارىلدى، دەپ حابارلايدى Almaty-akshamy.kz
COVID-19 تارالۋىنا جول بەرمەۋ جونىندەگى ۆاك-تىڭ مالىمەتىنشە، الەمدە COVID-19 ۆاكسينالارىنىڭ 4 ميلليارد 970 ميلليوننان استام دوزاسى قولدانىلدى. ۆاكسينا دوزالارىنىڭ ەڭ كوپ سانى قىتايدا قولدانىلدى -1 ملرد 950 ملن دوزا. ودان كەيىنگى ورىندا: ءۇندىستان - 580 ميلليون 770 مىڭ، اقش - 362 ميلليون 660 مىڭ، برازيليا - 176 ميلليون 620 مىڭ دوزا. الەمدە COVID-19 جۇقتىرعاندار سانى 212 ميلليون 669 مىڭنان استى، ءقاۋىپتى ۆيرۋستىڭ سالدارىنان 4 ميلليون 445 مىڭنان استام ادام قايتىس بولدى.
اقش Pfizer ۆاكسيناسىن ماقۇلدادى: پەنتاگون مىندەتتى يممۋنداۋ تۋرالى جارلىق دايىنداۋدا. اقش پرەزيدەنتى دجو بايدەن FDA-نىڭ Pfizer-BioNTech ۆاكسيناسىن ماقۇلداۋ تۋرالى شەشىمىن قۇپتادى جانە امەريكالىقتاردى مۇمكىندىگىنشە تەزىرەك ۆاكسينالانۋعا شاقىردى.
COVID-19-عا قارسى Pfizer ۆاكسيناسى اقش-تا ءبىرىنشى بولىپ ازىق-تۇلىك جانە دارى-دارمەكتەر باسقارماسىنان (FDA) توتەنشە جاعدايلاردا عانا ەمەس، سونداي-اق، جالپى قولدانۋعا رۇقسات الدى.
مىسىردا Sinovac جۇڭگو ۆاكسيناسىنىڭ 15 ميلليون دوزاسى شىعارىلدى.
«Sinovac-Vaxera ۆاكسيناسىنىڭ 15 ملن. دوزاسىنىڭ جەرگىلىكتى ءوندىرىسى اياقتالدى، ولار ءقازىردىڭ وزىندە ۆاكسيناسيا ورتالىقتارىنا جىبەرىلدى»، — دەپ حابارلادى اراب رەسپۋبليكاسىنىڭ دەنساۋلىق ساقتاۋ جانە حالىق ءمينيسترى حالا زايد كايردە وتكەن باسپا ءسوز ءماسليحاتىندا.
ونىڭ ايتۋىنشا، ەگيپەت جىل سوڭىنا قاراي ىشكى نارىقتىڭ، سونداي-اق افريكانىڭ قاجەتتىلىگى ءۇشىن شامامەن 80 ملن. دوزا كولەمىنە قول جەتكىزۋ ماقساتىندا اي سايىن وسى ۆاكسينانىڭ 15-تەن 18،5 ملن. دوزاسىنا دەيىن وندىرەتىن بولادى.
«24 تامىزدان باستاپ بارلىق ازاماتتار وسى ۆاكسينامەن تەگىن ەگىلەدى»، - دەدى مينيستر.