كوروناۆيرۋس ينفەكسياسىنىڭ دۇنيە جۇزىنە تارالىپ، الەمدىك ەكونوميكاعا كەسىرىن تيگىزىپ وتىرعانىن الەمدىك ب ا ق جارىسا جازىپ جاتىر.
ءدال ءقازىر ۆيرۋستىڭ تارالۋى مەن ۆاكسينا الۋ قارقىنى جونىندەگى الەمدىك اقپارات تا كۇن سايىن جاڭارىپ وتىر، دەپ حابارلايدى Almaty-akshamy.kz
COVID-19 تارالۋىنا جول بەرمەۋ جونىندەگى ۆاك تەلەگرام كانالى الەمدەگى ەپيداحۋالعا شولۋ جاسايدى.
رەسەيدىڭ مادەني استاناسىندا ەكونوميكانىڭ كوپتەگەن سالالارىندا مىندەتتى ۆاكسينالاۋ ەنگىزىلدى. قىزمەتكەرلەر مەن تۇتىنۋشىلار اراسىنداعى بايلانىس قارقىندىلىعى جوعارى سالالاردا ەڭبەك ەتەتىن جەكە تۇلعالاردىڭ كەمىندە 80%-نا مىندەتتى ۆاكسيناسيا تالابى ەنگىزىلدى.
تاۋلىگىنە 10،7 مىڭ ادام - جاپونيا COVID-19 ۆيرۋسىنىڭ تارالۋى بويىنشا جاڭا انتيرەكورد ورناتتى. بۇل - بۇكىل پاندەميا كەزەڭىندەگى ەڭ جوعارى كورسەتكىش. توكيودا 3،3 مىڭ جاعداي تىركەلدى. جاپونيا استاناسى ۆيرۋس جۇقتىرعاندار سانى بويىنشا رەكورد جاڭارتتى، ەلدىڭ باس شاھارىندا ءبىر كۇن بۇرىن 2 848 جاعداي تىركەلگەن بولاتىن.
ەۋرووداق شەكاراسىنان ءوتۋ ءۇشىن پتر تەست قاجەت. مۇنداي تالاپ گەرمانياعا كەلگەن جولاۋشىلارعا قويىلىپ وتىر. 1 تامىزدان باستاپ گەرمانياعا كەز كەلگەن كولىك تۇرىمەن كەلگەن ساياحاتشىلاردىڭ كوپشىلىگى COVID-19 بويىنشا تەرىس ناتيجەلى تەست قورىتىندىسىن ۇسىنۋى كەرەك.
اقش-تا ۆاكسيناسيا سىياقىسى بەرىلىپ، ەكپە الۋدان باس تارتقاندارعا قاتىستى شارالاردى قاتاڭداتۋ قولعا الىندى. اتاپ ايتقاندا، ۆاكسينا الماعان مەملەكەتتىك قىزمەتشىلەر ءۇشىن شەكتەۋلەر ەنگىزىلەدى. اق ءۇي ەلدە ۆاكسينالاۋدى جەدەلدەتۋدىڭ جاڭا شارالارىن جاريالادى. العاشقى ەكپە العاندارعا $ 100 دوللار تولەنەدى، ال ەكپە الماعان مەملەكەتتىك قىزمەتشىلەر بەتپەردە تاعۋعا مىندەتتەلەدى.
وزبەكستان ءوز ازاماتتارىن COVID-19-عا قارسى Moderna وندىرگەن ۆاكسينامەن قامتاماسىز ەتەدى. بۇگىن تاڭەرتەڭ اقش-تان ارنايى رەيسپەن تاشكەنتكە جاڭا تيپتەگى كوروناۆيرۋسقا قارسى ۆاكسينانىڭ 3 ميلليوننان استام دوزاسى جەتكىزىلدى. اقش پرەپاراتتى دۇنيەجۇزىلىك دەنساۋلىق ساقتاۋ ۇيىمىنىڭ ددۇ/COVAX باعدارلاماسى اياسىندا جونەلتتى. وزبەكستاندا 1،15 ميلليون ادام ۆاكسيناسيانىڭ تولىق كۋرسىنان ءوتتى.
ۋكراينا COVID-19 «دەلتا» شتامىنا قارسى تۇرۋ ءۇشىن شەكارادان ءوتۋ ەرەجەلەرىن قاتاڭداتتى. سوڭعى ەكى اپتادا رەسەيدە نەمەسە ءۇندىستاندا بولعان ۆاكسينا الماعان جولاۋشىلار 14 كۇندىك كارانتينگە وقشاۋلانادى. قازىرگى ۋاقىتتا ۋكراينادا 2 250 907 تۇرعىن ۆيرۋس جۇقتىرعان، 52 916 ادام قايتىس بولدى. اقپان ايىنان باستاپ ەلدە 5 225 458 تۇرعىنعا ەكپە سالىندى، 1 874 958 ادام ەكى دوزامەن ۆاكسينالاندى.