قازاقستاننىڭ ءىرى قالالارىندا كارانتيندىك شەكتەۋ ەنگىزىلدى.
ال الماتى ەپيدەميولوگيالىق احۋالعا بايلانىستى «قوڭىر قىزىل» ايماققا ءوتتى، دەپ حابارلايدى Almaty-akshamy.kz
COVID-19 تارالۋىنا جول بەرمەۋ جونىندەگى ۆاك-تىڭ مالىمەتى بويىنشا، اقش ۇجىمدىق يممۋنيتەتتى قالىپتاستىرۋعا ءبىر تابان جاقىندادى. ەرەسەكتەرگە ارنالعان COVID-19 ۆاكسيناسياسىنىڭ ماقساتى ءىس جۇزىندە ورىندالدى. جاڭا تيپتەگى كوروناۆيرۋستىق ۆاكسينانىڭ كەم دەگەندە ءبىر دوزاسىن 18 جاستان اسقان ادامداردىڭ 70% الدى. امەريكانىڭ ەرەسەك تۇرعىندارىنىڭ 60،6%ء-ى تولىعىمەن ەگىلدى. دجونس حوپكينس ۋنيۆەرسيتەتىنىڭ مالىمەتى بويىنشا، اقش-تا COVID-19 ۆيرۋسىنا شالدىعۋدىڭ 35 ميلليوننان استام جاعدايى تىركەلگەن، 613 488 ادام اۋرۋ سالدارىنان قايتىس بولعان.
ۇلىبريتانياداعى ەرەسەك تۇرعىنداردىڭ 88%-دان استامى COVID-19 ۆيرۋسىنا قارسى ۆاكسينانىڭ العاشقى دوزاسىن الدى، 72%-تەن استامى ەكىنشى دوزاسىن قابىلداعان. الايدا كوروناۆيرۋستىڭ تارالۋ دەڭگەيى ءالى دە تومەندەگەن جوق. وتكەن تاۋلىكتە 21 952 ادام ىندەتكە شالدىققان. ۆيرۋس جۇقتىرعانداردىڭ جالپى سانى 5 902 354-كە دەيىن ءوستى. كوز جۇمعان ادامداردىڭ جالپى سانى 129 743-كە جەتتى. جاقىندا ۇلىبريتانيا كوپتەگەن شەكتەۋلەردى الىپ تاستادى. عالىمدار كارانتيندى جەڭىلدەتۋ ۆيرۋستىڭ ءقاۋىپتى شتامدارىنىڭ تارالۋ ىقتيمالدىعىن ارتتىرۋى مۇمكىن دەپ ەسكەرتەدى.