5،5 ميلليونعا جۋىق يراندىق كوروناۆيرۋس جۇقتىرعان.
كۆي-عا شالدىققان الەم ازاماتتارىنىڭ سانى 231 ميلليون ادامنان استى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
يران
يراندا پاندەميا باستالعاننان بەرى 5،5 ميلليونعا جۋىق ادام كوروناۆيرۋس ينفەكسياسىن جۇقتىردى. وتكەن تاۋلىكتە COVID-19 ۆيرۋسىنىڭ 16 362 جاعدايى انىقتالدى. بۇگىنگى تاڭدا ەلدە اۋرۋشاڭدىقتىڭ جالپى كورسەتكىشى 5 493 591 ادامعا دەيىن ءوستى. دەنساۋلىق ساقتاۋ مينيسترلىگىنىڭ مالىمەتىنشە، كوروناۆيرۋس 118 508 ادامنىڭ ءومىرىن قيدى، ونىڭ ىشىندە وتكەن تاۋلىكتە 317 ادام اۋرۋ سالدارىنان كوز جۇمدى. 6 586 پاسيەنت رەانيماسيالىق بولىمشەلەردە ەم قابىلداۋدا. 33 343 104 يراندىق COVID-19 ۆيرۋسىنا قارسى ۆاكسينانىڭ كەم دەگەندە ءبىر دوزاسىن الدى، 14 938 853 ادام ۆاكسيناسيانىڭ تولىق كۋرسىنان ءوتتى.
گەرمانيا
گەرمانيا تۇرعىندارىنىڭ 78%-دان استامى كوروناۆيرۋسقا قارسى ۆاكسينانىڭ ءبىرىنشى دوزاسىمەن ەگىلدى، ولاردىڭ 40%-ى - 12 جاستان اسقان جاسوسپىرىمدەر. ازاماتتاردىڭ 63،6%-ەجى تولىق ۆاكسيناسيادان ءوتتى. 18 جاستان اسقان تۇرعىندار اراسىندا ءىشىنارا نەمەسە تولىق ەگىلگەندەردىڭ ۇلەسى 78،3% قۇرايدى. ءبىر كۇن بۇرىن 260،5 مىڭ ادام COVID-19 ۆاكسيناسىن الدى. وتكەن تاۋلىكتە گەرمانيادا ۆيرۋس جۇقتىرۋدىڭ 10 696 جاڭا جاعدايى انىقتالدى، ولاردىڭ جالپى سانى 4،17 ميلليون ادامنان استى. گەرمانيا بيلىگى covid-19 ۆيرۋسىنا قارسى ۆاكسيناسيالانباعان تۇرعىنداردى ەكپەنىڭ اۋرۋعا قارسى تيىمدىلىگىن ءتۇسىندىرۋ بويىنشا جۇمىستار جۇرگىزۋدە.
ارگەنتينا
ارگەنتينادا ەرەسەك تۇرعىنداردىڭ 50%-ى كوروناۆيرۋسقا قارسى ۆاكسيناسيانىڭ تولىق كۋرسىنان ءوتتى. ءبىراق بۇل COVID-19 ينفەكسياسىنىڭ تارالۋىن توقتاتۋ ءۇشىن جەتكىلىكسىز. كۆي جۇقتىرۋ دەرەكتەرىنىڭ سانى 5 246 998-گە جەتتى، پاندەميا باستالعاننان بەرى ءولىم-جىتىمنىڭ جالپى سانى 114 772 قۇرايدى. ارگەنتينادا ءۇش ۆاكسينا تىركەلگەن جانە جاپپاي ۆاكسيناسيالاۋ ءۇشىن رەسەيلىك «سپۋتنيك V»، AstraZeneca جانە قىتايلىق Sinopharm ۆاكسيناسى قولدانىلادى. «سپۋتنيك V» - ەڭ تانىمال پرەپارات. جالپى، ەلدە رەسەيلىك ۆاكسينانىڭ 6،9 ميلليون دوزاسى قولدانىلدى.
رەسەي
رەسەيدە ايماقتاردا covid-19 اۋرۋىنىڭ ءوسۋى بايقالادى. روسپوترەبنادزور ورتالىق عىلىمي-زەرتتەۋ ينستيتۋتىنىڭ ەپيدەميولوگيا جونىندەگى ديرەكتورىنىڭ ورىنباسارى الەكساندر گورەلوۆتىڭ ايتۋىنشا، ەپيدەميولوگيالىق جاعدايدى ودان ءارى دامىتۋ ماسەلەسى ۆاكسيناسيا دەڭگەيىنە بايلانىستى بولادى، كوروناۆيرۋستىڭ جاڭا شتامدارىنىڭ پايدا بولۋىن ەشتەڭە توقتاتا المايدى.
«بىزدە 8 اپتا بويى كوروناۆيرۋسپەن تۇراقتى جاعداي قالىپتاستى، دەگەنمەن ءقازىر ءوسۋ تەندەنسياسى بايقالادى. ازىرگە ول ءارتۇرلى وڭىرلەردە 6-7% قۇرايدى، ءبىراق مۇنداي وڭىرلەر سانى 36-عا جەتتى»، - دەپ اتاپ ءوتتى الەكساندر گورەلوۆ.