جاڭا جىلدىڭ باسىندا قازاقستاندا جاڭا شتامعا بايلانىستى شەكتەۋلەر ەنگىزىلۋى مۇمكىن.
ءۇندىستان قاڭتار ايىندا 15 جاستان اسقان جاسوسپىرىمدەرگە COVID ۆاكسيناسياسىن باستايدى. بۇل تۋرالى پرەمەر نارەندرا مودي ايتتى. سونداي-اق، ول جاقىندا ءۇندىستاندا مۇرىنعا ارنالعان كوروناۆيرۋس ۆاكسيناسى جانە الەمدەگى العاشقى دنق ۆاكسيناسى قولدانىسقا ەنگىزىلەتىنىن ايتتى. ءۇندىستاندا ەرەسەك تۇرعىنداردىڭ 61%-تولىق ەگىلدى.
يزرايل «وميكرون» شتامىنا بايلانىستى ساۋدا ورتالىعىنىڭ جۇمىسىنا قوسىمشا شەكتەۋلەر ەنگىزدى. كەلۋشىلەر سانى بويىنشا ليميتتەر قايتا ەنگىزىلدى، اۋدانى 100 شارشى مەتردەن اساتىن دۇكەندەرگە كىرۋ جاسىل رۇقساتنامانى ۇسىنعاننان كەيىن عانا مۇمكىن بولادى. جاڭا نۇسقامالاردىڭ ورىندالۋىن باقىلاۋ 28 جەلتوقساندا باستالادى.
سينگاپۋردا 5 جاستان 12 جاسقا دەيىنگى بالالارعا COVID-19 ۆاكسيناسياسى باستالدى. جالپى العاندا، قالا-مەملەكەت اۋماعىندا كۇنىنە مىڭ بالاعا دەيىن قىزمەت كورسەتەتىن 15 مامانداندىرىلعان ورتالىق اشىلدى. سونىمەن قاتار، دەنساۋلىق ساقتاۋ مينيسترلىگى ۆاكسينالانباعان بالالارعا شەكتەۋلەر ەنگىزۋ جوسپارلارى جوق ەكەنىن ءتۇسىندىردى.