دۇنيە جۇزىندەگى ەپيداحۋال قانداي؟
اۆستراليا 5-11 جاستاعى بالالاردى Covid-19-عا قارسى Pfizer پرەپاراتىمەن ۆاكسيناسيالاي باستادى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
توكيو شەتەلدىكتەرگە جاڭا كىرۋ ۆيزالارىن بەرۋگە تىيىم سالۋدى ۇزارتادى. بيلىك اقپان ايىنىڭ سوڭىنا دەيىن ۇزارتۋ مۇمكىندىگىن قاراستىرۋدا. ەندى ەلگە تەك جاپون ازاماتتارى، اككرەديتتەلگەن ديپلوماتتار جانە ۇزاق نەمەسە تۇراقتى تۇرۋعا رۇقساتى بار شەتەلدىكتەر كىرە الادى.
اۆستراليا 5-11 جاستاعى بالالاردى Covid-19-عا قارسى Pfizer پرەپاراتىمەن ۆاكسيناسيالاي باستادى. جاڭا وقۋ جىلى الدىندا ۆاكسينانىڭ 3 ملن دوزاسى تاراتىلادى. ەلدىڭ دەنساۋلىق ساقتاۋ مينيسترلىگىنىڭ باسشىسى بالالاردى سەگىز اپتا ارالىعىمەن ەنگىزىلەتىن ەكى دوزامەن يممۋندايتىنىن اتاپ ءوتتى. قازىرگى ۋاقىتتا اۆستراليانىڭ ەرەسەك تۇرعىندارىنىڭ 92%-دان استامى تولىعىمەن ەگىلدى.
شۆەسيادا COVID-19 اۋرۋشاڭدىق كورسەتكىشىنىڭ وسۋىنە بايلانىستى جاڭا شەكتەۋلەر ەنگىزىلۋدە. بيلىك ەلدە ينفەكسيانىڭ تارالۋى «تاريحي جوعارى دەڭگەيدە» دەپ مالىمدەدى. قوعامدىق تاماقتاندىرۋ كاسىپورىندارى 23:00-دەن كەشىكتىرمەي جابىلادى. ۋنيۆەرسيتەتتەرگە قاشىقتىقتان وقىتۋ رەجيمى ۇسىنىلادى. بارلىق جاپپاي جينالىستاردا ۆاكسيناسيا سەرتيفيكاتى قاجەت ەتىلەدى.
رەسەيدە كوروناۆيرۋس ينفەكسياسىنا شالدىعۋ كورسەتكىشىنىڭ كۇرت كۇردەلەنۋى كۇتىلۋدە. روسپوترەبنادزور ساراپشىسى كاميل حافيزوۆ COVID-19 اۋرۋشاڭدىعىنىڭ ءوسۋى جاڭا جىلدىق دەمالىستار مەن مەرەكەلەردەن كەيىن قارقىن الادى دەپ مالىمدەدى. «مەرەكەلەر اياقتالىسىمەن، ەلدە جاڭا «وميكرون» شتامىنىڭ تارالۋىنا بايلانىستى اۋرۋ دەڭگەيىنىڭ ءوسۋى مۇمكىن»، - دەدى ەپيدەميولوگيا ورتالىعىنىڭ عىلىمي توبىنىڭ جەتەكشىسى حافيزوۆ. عالىمنىڭ بۇل پىكىرى SARS-CoV-2 گەنومىنداعى وزگەرىستەرگە جانە اۋىرىپ جازىلعان، سونداي-اق ەگىلگەن ادامداردا قالىپتاسقان قورعانىش انتيدەنەلەرىنە توزىمدىلىگىن دالەلدەيتىن زەرتتەۋلەرگە نەگىزدەلگەن. مۇنى ددۇ باس ديرەكتورى تەدروس گەبرەيۋس راستادى.
كوروناۆيرۋستىق ىندەت اقش-تا جاڭا رەكوردتىق كورسەتكىشتەرگە جەتتى. دجونس حوپكينس ۋنيۆەرسيتەتىنىڭ مالىمەتتەرى بويىنشا، ينفەكسيانىڭ انىقتالعان جاعدايلارىنىڭ سانى 60 ميلليوننان استى. 10 قاڭتارداعى دەرەكتەر بويىنشا، اقش-تا 60 062 077 ادام ۆيرۋس جۇقتىردى، ونىڭ ىشىندە 837 504 ازامات قايتىس بولدى. قاڭتار ايىنىڭ باسىندا ەكيپاج مۇشەلەرى اراسىندا COVID-19 ىندەتىنە شالدىعۋ جاعدايلارىنىڭ باستالۋىنا بايلانىستى ەلدە رەيستەردى جاپپاي توقتاتا باستادى. جولاۋشىلار اۋەجايلاردا بىرنەشە ساعات كۇتۋگە ءماجبۇر. امەريكاندىق اۋرۋحانالاردىڭ رەانيماسيا بولىمشەلەرىنىڭ جۇكتەمەسى 78%-دان استى، ولاردىڭ 22%-ى COVID-19 پاسيەنتتەرىنە تيەسىلى.