Coca-Cola اۆستريادا 28 ميلليون كولەمى 0،5 ليترلىك پلاستيكالىق بوتەلكەنى ساتىلىمنان قايتارىپ الاتىن بولدى. بۇعان ءونىم ىشىنە ءقاۋىپتى بولشەكتەردىڭ ءتۇسۋ ءقاۋپى سەبەپ بولدى، دەپ حابارلايدى aqshamnews.kz
APA اگەنتتىگىنىڭ مالىمەتىنشە، كەيبىر بوتەلكەلەرگە مەتالل فراگمەنتتەرى ءتۇسۋى مۇمكىن. كومپانيا بۇل ماسەلە ءوندىرىس كەزىندەگى اقاۋعا بايلانىستى تۋىنداعانىن مالىمدەدى: ليموناد قۇيۋ بارىسىندا سۇزگى سىنعان بولۋى ىقتيمال.
"مۇنداي ءونىمدى تۇتىنۋ دەنساۋلىققا زيان كەلتىرۋى مۇمكىن بولعاندىقتان، كومپانيا بارلىق پارتيانى كەرى قايتارۋ تۋرالى شەشىم قابىلدادى. قايتارىلاتىن سۋسىندارعا Coke، Fanta، Sprite جانە MezzoMix ونىمدەرى جاتادى، ولاردىڭ جارامدىلىق مەرزىمى 2025 جىلدىڭ 4 اقپانى مەن 12 ءساۋىرى ارالىعىندا كورسەتىلگەن"، – دەپ جازادى باسىلىم.
بۇل اۆستريادا العاش رەت وسىنشاما كولەمدەگى ءونىمدى قايتارىپ الۋ وقيعاسى. قازىرگى ۋاقىتتا سۋسىندى تۇتىنعاننان زارداپ شەككەندەر جوق.