قىتايدىڭ سولتۇستىك-باتىسىنداعى سيان قالاسىندا قازاقستاننىڭ باس كونسۋلدىعى اشىلادى.
بۇل تۋرالى پرەزيدەنت قاسىم-جومارت توقايەۆ «ورتالىق ازيا-قىتاي» سامميتىندە ءمالىم ەتتى، دەپ حابارلايدى Almaty-akshamy.kz.
«ەل مەن ەلدى جاقىنداستىراتىن مادەني-گۋمانيتارلىق بايلانىستى نىعايتۋعا وڭىرلەر اراسىنداعى ارىپتەستىك، ناقتى ايتساق، باۋىرلاس قالالار ءوز ۇلەسىن قوسادى. كەشە ءبىز شىمكەنت جانە سيان قالالارىنىڭ اراسىنداعى، سونداي-اق، سولتۇستىك قازاقستان وبلىسى مەن شەنسي پروۆينسياسىنىڭ اراسىندا باۋىرلاستىق بايلانىستى رەسمي ورناتتىق»، - دەدى پرەزيدەنت.
مەملەكەت باسشىسى عىلىمي باعىتتاعى بايلانىستارعا دا توقتالدى.
«سيان قالاسىندا قازاقستاننىڭ باس كونسۋلدىعى اشىلادى. سونىمەن قاتار، عىلىم مەن ءبىلىم سالاسىن دامىتۋ، جاستارىمىزدىڭ اراسنىداعى بايلانىستى دامىتۋ ماڭىزدى. سوندىقتان ءبىز بىلىكتى مامانداردى جۇيەلى تۇردە ازىرلەۋگە، ادام كاپيتالىن دامىتۋعا ەرەكشە ءمان بەرەمىز. قازىرگى كەزەڭدە قازاقستان ءوز اۋماعىندا الەمدەگى جەتەكشى تەحنيكالىق ۋنيۆەرسيتەتتەردىڭ فيليالدارىن اشۋ جولىندا بەلسەندى جۇمىس ىستەپ جاتىر»، - دەدى قاسىم-جومارت توقايەۆ.