ءقازىر سپورتتا جوعارى ناتيجە كورسەتكەندەرگە بەرىلەتىن قوسىمشا تولەم 70 مىڭ تەڭگەنىڭ شاماسىندا.
مادەنيەت جانە سپورت ءمينيسترى داۋرەن ابايەۆ چەمپيوندار مەن ولاردىڭ جاتتىقتىرۋشىلارىنا ءومىر بويى تولەنەتىن تولەماقىنىڭ كولەمىن 306 000 تەڭگەگە دەيىن كوتەرۋدى تاپسىردى، دەپ حابارلايدى Almaty-akshamy.kz
جاڭا مادەنيەت جانە سپورت ءمينيسترى مەملەكەت سپورتتىق كارەراسى اياقتالعان چەمپيونداردان تەرىس اينالماۋى كەرەك دەپ ەسەپتەيدى. ول جاتتىقتىرۋشىلار تاپشىلىعىنا دا توقتالدى.
مادەنيەت جانە سپورت ءمينيسترى داۋرەن ابايەۆ چەمپيوندار مەن ولاردىڭ جاتتىقتىرۋشىلارىنا ءومىر بويى تولەنەتىن تولەماقىنىڭ كولەمىن 306 000 تەڭگەگە دەيىن كوتەرۋدى تاپسىردى.
«ۆيسە-مينيسترگە چەمپيوندارعا، جۇلدەگەرلەرگە، سونداي-اق ولاردىڭ جاتتىقتىرۋشىلارىنا ءومىر بويىنا تولەنەتىن ماتەريالدىق قولداۋ تولەمىنىڭ مولشەرىن 100 اەك-كە (306 300 تەڭگە) دەيىن ارتتىرۋدى پىسىقتاۋدى تاپسىرامىن»، - دەدى ابايەۆ.
ونىڭ ايتۋىنشا، ءقازىر سپورتتا جوعارى ناتيجە كورسەتكەندەرگە بەرىلەتىن قوسىمشا تولەم 70 مىڭ تەڭگەنىڭ شاماسىندا جانە بۇل «وتە دۇرىس ەمەس».
«سوندىقتان جوعارى ناتيجەگە قول جەتكىزگەن ادامدار لايىقتى ماتەريالدىق قولداۋعا يە بولۋى كەرەك»، - دەپ ەسەپتەيدى ابايەۆ.
سونداي-اق ۆەدومستۆو باسشىسى سالادا بىلىكتى باپكەرلەر تاپشى ەكەنىن ايتتى. بۇل جاعداي ولاردىڭ جالاقىسىنا تىكەلەي بايلانىستى.
«قازىرگى تاڭدا (...) ەڭبەك ءوتىلى جوق بىلىكتىلىك دەڭگەيى ورتاشا جاتتىقتىرۋشى 63 مىڭ تەڭگە جالاقى الادى. وسىعان بايلانىستى دەنە شىنىقتىرۋ فاكۋلتەتتەرىنىڭ تۇلەكتەرى سپورتتى تاڭدامايدى، ولار قىزمەت كورسەتۋ سالاسى، كۇزەت فيرمالارى، قۇقىق قورعاۋ ورگاندارى قىزمەتكەرلەرىنىڭ قاتارىن تولىقتىرىپ جاتىر»، - دەدى ابايەۆ.
ول ۇكىمەتكە جاتتىقتىرۋشىلاردىڭ جالاقىسىن كوتەرۋ، سونداي-اق ولاردى ماتەريالدىق ىنتالاندىرۋ ماسەلەسى ۇسىنىلاتىنىن ايتتى.