جامبىل وبلىسىنا «چەلي اپاي» دەگەن لاقاپ ەسىممەن بەلگىلى بىرنەشە رەت سوتتى بولعان تاراز قالاسىنىڭ تۇرعىنى ۇستالدى.
وسىدان ءبىر جىل بۇرىن جەدەل ۋاكىلدەر ونىڭ 41 جاستاعى «ماكا» بۇركەنشىك اتىمەن تانىمال قىزىن ەسىرتكى ساۋداسىنا قاتىستى قىلمىسى ءۇشىن قۇرىقتاعان بولاتىن، دەپ حابارلايدى اlmaty-akshamy.kz polisia.kz-كە سىلتەمە جاساپ.
وبلىستىق پوليسيا دەپارتامەنتى باسپا ءسوز قىزمەتىنىڭ تاراتقان اقپاراتىنا سۇيەنسەك، ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى التى اي بويى گەروين توبىنداعى ەسىرتكى وتكىزۋدىڭ ءىرى ارناسىن انىقتاۋ جانە جويۋ بويىنشا جاسىرىن تەرگەۋ ارەكەتتەرىن جۇرگىزگەن.
كۇدىكتىنىڭ تۇرعىلىقتى جەرىن ءتىنتۋ بارىسىندا ەرەكشە ءيىستى سۇر-قوڭىر ءتۇستى زاتى بار ەكى سىرىڭكە قورابى تابىلىپ، تاركىلەنەدى. ساراپتاما قورىتىندىسىنا سايكەس، اتالعان زات جالپى سالماعى 5،45 گرامم – شامامەن 60 دوزا «گەروين» ەسىرتكىسى بولىپ شىققان.
ارنايى وپەراسيا ناتيجەسىندە ۇستالعان ايەل – «چەلي اپاي» بۇركەنشىك اتىمەن بۇرىن گەروين ساتقانى ءۇشىن بىرنەشە رەت سوتتى بولعان. ول قۇرىقتاۋ كەزىندە وسىنداي قىلمىستار جاساعانى ءۇشىن باس بوستاندىعىن شەكتەۋ تۇرىندەگى جازاسىن سوڭىنا دەيىن وتەپ ۇلگەرمەگەن.
«63 جاستاعى چەلي اپاي بىرنەشە رەت قىلمىستىق جاۋاپكەرشىلىككە تارتىلعانىنا، قىزى باس بوستاندىعىنان ايىرۋ ورىندارىندا جازاسىن وتەپ جاتقانىنا قاراماستان، زاڭسىز جولمەن الىنعان تابىستان باس تارتپاعان. اتالعان دەرەك بويىنشا ق ر قك 297-بابى 1-بولىگىمەن سوتقا دەيىنگى تەرگەۋ امالدارى باستالدى. كۇدىكتى تاراز قالاسىنىڭ پب ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا ەسىرتكى جەتكىزۋ ارناسىن انىقتاۋ بويىنشا قاجەتتى تەرگەۋ شارالارى جۇرگىزىلىپ جاتىر»، – دەپ حابارلايدى پد ەققىب باستىعى پوليسيا پولكوۆنيگى ءالىم باجىقبايەۆ.