كۋرس ونلاين وقىتىلادى.
ساباقتار قازاق جانە ورىس تىلدەرىندە جۇرگىزىلەدى، دەپ حابارلايدى aqshamnews.kz
Astana Hub ChatGPT پايدالانۋعا باعىتتالعان جاساندى ينتەللەكت بويىنشا تەگىن ونلاين كۋرستىڭ باستالعانى تۋرالى مالىمدەدى. كۋرستى Lerna سەرىكتەستىگى ازىرلەگەن جانە ونىمدىلىكتى ارتتىرعىسى، كۇندەلىكتى پروسەستەردى اۆتوماتتاندىرىپ، بيزنەستە ءارى كۇندەلىكتى ومىردە نەيروندىق جەلىلەردى پايدالانۋ جايلى جاڭا ءبىلىم العىسى كەلەتىن كەز كەلگەن ادامعا ارنالعان.
«51 بەينە ساباق پەن 4 ءمودۋلدى قامتيتىن «AI نەگىزدەرى: ChatGPT» كۋرسىنان Skillbox ءبىلىم بەرۋ پلاتفورماسىندا اقىسىز وتۋگە بولادى. ساباقتار قازاق جانە ورىس تىلدەرىندە جۇرگىزىلەدى. قاتىسۋ ءۇشىن Astana Hub پلاتفورماسىندا نەمەسە تەحنوپاركتىڭ ءموبيلدى قوسىمشاسى ارقىلى تىركەلۋ جەتكىلىكتى»، – دەپ حابارلادى Astana Hub.
كۋرس ChatGPT پايدالانۋدىڭ ءارتۇرلى اسپەكتىسىن قامتيدى، سونىڭ ىشىندە:
نەيروندىق جەلىلەردىڭ نەگىزدەرى، ولاردىڭ مۇمكىندىكتەرى ءارى شەكتەۋلەرى؛
ءدال جانە پايدالى ناتيجەلەردى الۋ ءۇشىن ءتيىمدى سۇراۋلار جاساۋ؛
جۇمىستاعى ءارى جەكە پروسەستەردەگى كۇندەلىكتى تاپسىرمالاردى اۆتوماتتاندىرۋ ءۇشىن ChatGPT پايدالانۋ.
ترەنينگ بارىسىندا پايدالانۋشىلار:
نەيروندىق جەلىلەرمەن جۇمىس ىستەۋ نەگىزدەرىن مەڭگەرەدى؛
قاجەتتى ناتيجەلەردى الۋ ءۇشىن سۇراۋلار جاساۋدى ۇيرەنەدى؛
مازمۇن جاساۋ، كودتاۋ، ماركەتينگ پەن ت.ب. سياقتى كۇندەلىكتى جانە كاسىبي تاپسىرمالارعا داعدىلار قالىپتاستىرادى.
بۇل «AI نەگىزدەرى: ChatGPT» ونلاين كۋرسى قازاقستاندا جاساندى ينتەللەكتتى (AI) دامىتۋعا باعىتتالعان AI Movement اۋقىمدى باستاماسىنىڭ بولىگى رەتىندە جۇزەگە اسىپ جاتىر. مەملەكەت باسشىسى جولداۋىندا «قازاقستان جاساندى ينتەللەكت كەڭىنەن قولدانىلاتىن ءارى سيفرلىق تەحنولوگيالار دامىعان ەلگە اينالۋى ءتيىس» دەگەن بولاتىن.