بۇل تۋرالى ەكونوميست عالىمجان ايتقازين اۆتورلىق تەلەگرام-ارناسىندا جازدى.
ساراپشىنىڭ جازۋىنشا، فەرمەرلەر مەن اۋىل شارۋاشىلىعى جۇمىسشىلارى، اكىمشىلىك سالاسىنداعى قىزمەتشىلەر، باسشىلار مەن مەملەكەتتىك قىزمەتشىلەرگە سۇرانىس از بولماق، دەپ حابارلايدى aqshamnews.kz
ەڭبەك رەسۋرستارىن دامىتۋ ورتالىعىنىڭ ساراپشىلارىنىڭ باعالاۋى بويىنشا 2024-2030 جىلدارى جالدامالى قىزمەتكەرلەرگە سۇرانىس 1،9 ملن ادامدى قۇرايدى. ساراپشىلار جۇمىس تۇرلەرى بويىنشا نەگىزگى سۇرانىس كاسىبي ماماندارعا، قىزمەت كورسەتۋ جانە ساۋدا قىزمەتكەرلەرىنە، سونداي-اق، بىلىكتىلىگى جوق قىزمەتكەرلەرگە تۇسەدى دەپ كۇتەدى.
ونىڭ جازۋىنشا، 2024 جىلى جۇمىسپەن قامتىلعان حالىقتىڭ نەگىزگى بولىگى ەكونوميكانىڭ مىناداي سەكتورلارىندا جۇمىس ىستەيدى: ساۋدا (16،8%)، ءبىلىم بەرۋ (13،0%)، ونەركاسىپ (12،6%)، اۋىل شارۋاشىلىعى (11،5%)، مەملەكەتتىك قىزمەت جانە الەۋمەتتىك قامسىزداندىرۋ (5،5%). ياعني، جۇمىسپەن قامتىلعان حالىقتىڭ 31،2%-ى ەكونوميكانىڭ ناقتى سەكتورىندا (اۋىل شارۋاشىلىعى، ونەركاسىپ جانە قۇرىلىس) ءجۇر.
ساراپشىلار 2024-2030 جىلدارى جۇمىس تۇرلەرى بويىنشا نەگىزگى سۇرانىس كاسىبي ماماندارعا، قىزمەت كورسەتۋ جانە ساۋدا قىزمەتكەرلەرىنە، سونداي-اق، بىلىكتىلىگى جوق قىزمەتكەرلەرگە تۇسەدى دەپ كۇتەدى. ال فەرمەرلەر مەن اۋىل شارۋاشىلىعى جۇمىسشىلارى، اكىمشىلىك سالاسىنداعى قىزمەتشىلەر، باسشىلار مەن مەملەكەتتىك قىزمەتشىلەر ەڭ از سۇرانىسقا يە بولماق، – دەپ جازدى ەكونوميست.
جالپى، جالدامالى قىزمەتكەرلەرگە ەڭ ۇلكەن سۇرانىس قوعامدىق قىزمەتتەر سەكتورىندا (ءبىلىم بەرۋ، دەنساۋلىق ساقتاۋ، مەملەكەتتىك باسقارۋ) كۇتىلەدى، وندا ول 248-دەن 641 مىڭ ادامعا دەيىن نەمەسە جيىنتىق سۇرانىستىڭ 21-29%-ىن قۇراماق.