ماسساچۋسەتس تەحنولوگيا ينستيتۋتىنىڭ نەيروبيولوگتارى جاساندى ينتەللەكتىنىڭ شىعارماشىلىق پەن ميعا اسەرىن زەرتتەدى، دەپ حابارلايدى aqshamnews.kz
عالىمدار 18-39 جاس ارالىعىنداعى 54 ادام قاتىسقان تاجىريبە جۇرگىزدى.
ولار 3 توپقا ءبولىندى:
1. ChatGPTء-دى قولداندى.
2. اقپاراتتى Google-دان ىزدەدى.
3. ءوز ميىمەن جۇمىس ىستەدى.
قاتىسۋشىلار بىرنەشە تاقىرىپقا ەسسە جازدى. تاپسىرمانى ورىنداۋ كەزىندە ولاردىڭ مي بەلسەندىلىگىن ەەگ(ەلەكتروەنسەفالوگرافيا) كومەگىمەن ولشەپ، باقىلاپ وتىردى.
سونىمەن:
ChatGPTء-دى پايدالانعان توپتىڭ كوگنيتيۆ بەلسەندىلىگى تومەن بولدى. نازار سالۋ، اقپاراتتى وڭدەۋ، شىعارماشىلىقپەن جۇمىس ىستەۋ دەڭگەيى ناشار.
ءۇشىنشى ەسسەنى جازعاندا ولار كوشىرە باستادى، جي بەرگەن ءماتىندى وزگەرتىپ بەرە سالدى. ەسسەلەرى بىركەلكى، قۇرعاق بولىپ شىقتى. قاتىسۋشىلار ءوزى ازىرلەگەن ءماتىندى ەستە ساقتاي المادى.
Googleء-دى پايدالانعان توپ شىعارماشىلىق ىزدەنىس جاساپ، ءبىراز جاقسى كورسەتكىشكە جەتتى.
ال ەشبىر تەحنولوگيانىڭ كومەگىنسىز جۇمىس ىستەگەن ءۇشىنشى توپتاعى ادامداردىڭ ميى بەلسەندى بولعانى انىقتالدى. ولار جازعان ءماتىن دە ەرەكشە، تارتىمدى، وريگينال بولىپ شىقتى.
زەرتتەۋشىلەر اسىرەسە ميى ەندى دامىپ كەلە جاتقان جاستاردىڭ ChatGPT-گە كوپ جۇگىنۋى ولاردىڭ ويلاۋ قابىلەتى ءۇشىن ءقاۋىپتى دەگەن تۇيىنگە كەلدى.
جي-گە تىم تاۋەلدىلىك نەيرون بايلانىسىن السىرەتەدى، جادىنى ناشارلاتادى، سىني ويلاۋعا كەدەرگى بولادى دەيدى نەيروبيولوگتار.