الماتى قالاسىنىڭ جەتىسۋ اۋدانىندا جاستار ساياساتى باسقارماسىنىڭ قولداۋىمەن كەزەكتى Career Day بوس جۇمىس ورىندارى جارمەڭكەسى ءوتتى. ءىس-شاراعا بەلسەندى جاستار، اۋدان تۇرعىندارى، قوعامدىق قايراتكەرلەر، سونداي-اق كوميۋنيتي-ورتالىقتاردىڭ رەزيدەنتتەرى مەن 400-دەن استام كومپانيانىڭ وكىلدەرى قاتىستى.
الماتى قالاسى جاستار ساياساتى باسقارماسىنىڭ مالىمەتىنشە، Career Day جوباسىنىڭ باستى ماقساتى — جاستاردى جۇمىسپەن قامتۋعا جانە مانساپ جولىن قۇرۋعا مۇمكىندىك بەرۋ ارقىلى ولاردىڭ كاسىبي بولاشاعىن قالىپتاستىرۋ. الماتىنىڭ بارلىق اۋداندارىندا ءوتءىپ كەلە جاتقان جارمەڭكەلەردىڭ العاشقى 7 كۇنىندە 21 مىڭنان استام جاس قامتىلدى. ولاردىڭ قاتارىندا مەكتەپ، كوللەدج جانە جوعارى وقۋ ورىندارىنىڭ تۇلەكتەرى بار.
«ءبىزدىڭ باستى مىندەتتەرىمىزدىڭ ءبىرى – جاستاردى جۇمىسپەن قامتۋ جانە جان-جاقتى دامۋىنا مۇمكىندىكتەر اشۋ. Career Day – بۇل تەك جارمەڭكە عانا ەمەس، جاستار اراسىنداعى جۇمىسسىزدىقتى ازايتۋدىڭ تولىققاندى الەۋمەتتىك قۇرالى. وسىنداي ءىس-شارا ارقىلى بءىز جاستاردى جەتەكشى كومپانيالاردىڭ وكىلدەرىمەن كەزدەسءتىرىپ، ءوز بولاشاعىنا قادام جاساي الاتىنداي مۇمكىندىك جاسايمىز»، — دەدى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
ءىس-شارا اياسىندا ارنايى كەڭەس بەرۋ ايماقتارى ۇيىمداستىرىلىپ، جۇمىسسىز جاستار HR-ماماندارمەن تىكەلەي سويلەسىپ، تۇيىندەمەلەرىن قالدىرىپ، جەكە كەڭەستەر الدى.
«مەن بۇل جارمەڭكەگە جاي عانا قاراپ شىعايىن دەپ كەلگەم. ءبىراق قالالىق مانساپ ورتالىعىنىڭ قىزمەتكەرلەرىنىڭ كومەگىمەن جانە ۇسىنىلعان بوس ورىنداردىڭ ارقاسىندا وزىمە ۇنايتىن جۇمىسقا ورنالاستىم»، — دەيدى جارمەڭكە قاتىسۋشىسى داۋلەت يمانوۆ.
ايتا كەتەيىك، 2025 جىلدىڭ باسىنان بەرى الماتى قالاسىندا 9 مىڭنان استام جاس تۇراقتى جۇمىسقا ورنالاسقان. قالالىق مانساپ ورتالىعىنىڭ قىزمەتتەرىن قالانىڭ كەز كەلگەن كوميۋنيتي ورتالىعىنان پايدالانۋعا بولادى.
كەلەسى Career Day جارمەڭكەسى 2025 جىلدىڭ 30 مامىر كۇنى ناۋرىزباي اۋدانىنداعى «تاۋ-سامالى» بازارىندا وتەدى.