ەندى قازاقستاندىقتار ەGov.kz پورتالى مەن eGov Mobile موبيلدىك قوسىمشاسى ارقىلى ساناتوريي-كۋرورتتىق ەمدەۋ قاجەتتىلىگى تۋرالى قورىتىندىنى جانە الدىن الا مىندەتتى مەديسينالىق تەكسەرۋدەن ءوتۋ ءۇشىن انىقتاما الۋعا ءوتىنىم بەرە الادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ازاماتتار «ساناتوريي-كۋرورتتىق ەمدەۋ قاجەتتىلىگى تۋرالى قورىتىندى بەرۋ» قىزمەتىنىڭ ارقاسىندا ساناتوريي-كۋرورتتىق ەمدەلۋگە قورىتىندى الۋ ءۇشىن ەلەكتروندىق ءوتىنىم بەرە الادى. ءوتىنىش بەرگەن كەزدە جىبەرىلگەن دياگنوزعا سايكەس كلينيكالىق-دياگنوستيكالىق زەرتتەۋلەر ناتيجەلەرىنىڭ ەلەكتروندىق كوشىمەسى بولۋى قاجەت»، - دەلىنگەن پورتالدىڭ رەسمي سايتىندا جاريالانعان حابارلامادا.
ال، الدىن الا مىندەتتى مەديسينالىق تەكسەرۋدەن ءوتۋ قىزمەتىن مىنا ساناتتاعى ازاماتتار الا الادى:
- ءدارىحانالاردىڭ، فارماسيەۆتيكالىق ۇيىمداردىڭ قىزمەتكەرلەرى؛
- قىزمەت كورسەتۋ سالاسىنىڭ قىزمەتكەرلەرى (مونشا، ساۋنا، شاشتاراز، سۇلۋلىق سالوندارى، كىر جۋاتىن ورىندار، حيميالىق تازالاۋشىلار)، باسسەيندەر مەن گيدروپاتيالار، بالشىق ۆاننالار، سپورتتىق-ساۋىقتىرۋ ۇيىمدارىنىڭ جۇمىسشىلارى؛
- قان قىزمەتى ۇيىمدارىنىڭ مەديسينا ماماندارى، حيرۋرگيالىق، گينەكولوگيالىق، اكۋشەرلىك، گەماتولوگيالىق، ستوماتولوگيالىق پروفيلدەر مەن مەديسينا قىزمەتكەرلەرى؛
- مەكتەپكە دەيىنگى ۇيىمداردىڭ، مەكتەپ-ينتەرناتتاردىڭ، بالالار ساناتوريالىق-كۋرورتتىق جىل بويعى ساۋىقتىرۋ ۇيىمدارىنىڭ، بالالار ۇيلەرىنىڭ قىزمەتكەرلەرى، وتباسى ۇلگىسىندەگى ۇيلەردىڭ قىزمەتكەرلەرى؛
- جولاۋشىلارعا قىزمەت كورسەتۋ ۇيىمدارىنىڭ قىزمەتكەرلەرى (تەمىر جول ۆوكزالدارى، اەروۆوكزالدار، اۋەجايلار، تەڭىز جانە وزەن ستانسيالارى، اۆتوۆوكزالدار، مەتروپوليتەندەر)؛
- قوعامدىق تاماقتاندىرۋ وبەكتىلەرىنىڭ قىزمەتكەرلەرى؛
- جالپى ءبىلىم بەرەتىن مەكتەپ، ورتا ارناۋلى جانە جوعارى وقۋ ورىندارىنا وقۋعا تۇسۋگە ۇمىتكەرلەر، ستۋدەنتتەر.
«بۇل قىزمەتتى الاتىن ازاماتتارعا №075-ۋ نىسانىندا بەرىلگەن مەديسينالىق انىقتاما (دارىگەردىڭ كونسۋلتاتيۆتىك قورىتىندىسى) نە مەملەكەتتىك قىزمەتتى كورسەتۋدەن باس تارتۋ تۋرالى دالەدى جاۋاپ نىسانىندا ەلەكتروندىق قۇجات «جەكە كابينەتكە» جولدانادى». ءوتىنىمدى وڭدەۋ تۋرالى حابارلاما eGov.kz پورتالىنىڭ «جەكە كابينەتىندە» 30 مينۋت ىشىندە شىعادى»، - دەپ جازىلعان ەGov.kz پورتىلىنىڭ حابارلاماسىندا.