شارۋالار وتكەن جىلى «Qoldau» پلاتفورماسى كەزىنەن قالىپ قويعان 5 ملرد تەڭگەدەن استام ينۆەستيسيالىق سۋبسيديادان قاعىلعان.
بۇل تۋرالى اۋىل شارۋاشىلىعى مينيسترلىگى حابارلادى. سونداي-اق، جاڭا اقپاراتتىق پلاتفورمانىڭ جۇمىسى ءتۇسىندىرىلدى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
بۇدان بىلاي، كەز كەلگەن ازامات gosagro.kz جۇيەسىنە كىرۋ ارقىلى فەرمەرلەرگە قانداي سوماعا سۋبسيديا بەرىلگەنىن كورە الادى. ەگىس القابى كولەمىن جاي عانا ولشەپ، شەكاراسىن قولمەن سىزۋعا دا مۇمكىندىك جوق. ناقتى قانشا گەكتار جەر بار ەكەنىن عارىشتىق مونيتورينگ انىقتايدى. بۇرىنعى «Qoldau» جۇيەسىندە جەردى يگەرۋدە دۇرىس اقپارات كورسەتىلمەگەن. ياعني فەرمەر ەنگىزگەن ەگىستىك كارتالارىنداعى جەرلەر ءىس جۇزىندە يگەرىلمەگەن.
«بۇكىل اۋىل شارۋاشىلىعى باسقارمالارىنىڭ سۋبسيديا قارىزى 25 ملرد تەڭگەدەن استى. ءقازىر سونىڭ 18 ملرد تەڭگەسى تولەندى. 2022 جىلى فەرمەرلەرگە 25 ملرد تەڭگەنىڭ ينۆەستيسيالىق سۋبسيدياسى تولەنبەگەن بولسا، ءقازىر سونىڭ 18 ملرد تەڭگەسى جابىلعان. سونداي 5-7 ملرد تەڭگەنىڭ توڭىرەگىندە سۋبسيديا تولەنۋى كەرەك»، - دەيدى ق ر اشم مەملەكەتتىك كورسەتىلەتىن قازىمەتتەردى دامىتۋ جانە اوك سيفرلاندىرۋ دەپارتامەنتىنىڭ ديرەكتورى بەرنات الپىسبەكوۆ.