بىلتىر قازاقستاندا بولعان ورتتەردەن 9 ملرد تەڭگە شىعىن كەلگەن.
2021 جىلى ەل اۋماعىندا 12 مىڭنان استام وقىس جاعداي تىركەلدى. ءتىلسىز جاۋدان 413 ادام كوز جۇمىپ، 429 ادام جاراقات العان، دەپ حابارلايدى Almaty-akshamy.kz
توتەنشە جاعداي مينيسترلىگىنىڭ مالىمەتىنشە، بۇل وقيعالاردىڭ 34 پايىزى ەلەكتر جابدىقتارىنداعى اقاۋعا بايلانىستى بولعان. ال تۇرعىنداردىڭ ابايسىزدا جاساعان ارەكەتىنەن 3400-دەن استام ءورت تىركەلدى. مينيسترلىك ءساۋىر-مامىر ارالىعىندا ۇلتتىق پارك، تابيعي قورىقتار مەن بالالار لاگەرىنىڭ ءورت قاۋىپسىزدىگى مەن دايىندىعىن تەكسەرەدى. ايماقتىق توپتار قۇرىلعان. قاجەت بولعان جاعدايدا،
جالىن شارپىعان ۇلكەن اۋماقتارعا 39 مىڭ ادام، 8 مىڭ تەحنيكا جانە 10 تىكۇشاق جۇمىلۋعا ءازىر.