جۇرگىزىلگەن تەكسەرۋلەردىڭ ماقساتى - حالىقتىڭ الەۋمەتتىك وسال ساناتتارىنىڭ قۇقىقتارىن قورعاۋ
2024 جىلدىڭ قورىتىندىسى بويىنشا قازاقستاننىڭ بارلىق وڭىرلەرىندە مەملەكەتتىك الەۋمەتتىك قورعاۋ ينسپەكتورلارى 2 695 تەكسەرۋ جۇرگىزدى، ونىڭ 741ء-ى پروفيلاكتيكالىق باقىلاۋ شەڭبەرىندە، 751ء-ى جوسپاردان تىس، 1 203ء-ى پروكۋراتۋرانىڭ تالابى بويىنشا، دەپ حابارلايدى aqshamnews.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
تەكسەرۋ قورىتىندىلارى بويىنشا انىقتالعان بۇزۋشىلىقتاردى جويۋ تۋرالى 1087 ۇيعارىم بەرىلدى، سونداي-اق جالپى سوماسى 230،3 ملن تەڭگەدەن استام ايىپپۇل تۇرىندە 973 اكىمشىلىك جازا قولدانىلدى.
مەملەكەتتىك باقىلاۋمەن: اكىمدىكتەر – 178، جەرگىلىكتى اتقارۋشى ورگانداردىڭ بولىمدەرى مەن باسقارمالارى – 112، مەملەكەتتىك مەكەمەلەر – 117، بالاباقشالار – 470، مەكتەپتەر – 805، كوللەدجدەر، ليسەيلەر – 145، اۋرۋحانالار، ەمحانالار – 89، ارناۋلى الەۋمەتتىك قىزمەتتەر كورسەتۋ ورتالىقتارى – 101، وڭالتۋ ورتالىقتارى – 11، دۇكەندەر – 22، ساۋدا ۇيلەرى – 39، دك – 50، مادەنيەت ءۇيى – 12، مۇراعاتتار، مۇراجايلار – 13، بانكتەر – 12، كافەلەر، مەيرامحانالار، قوناق ۇيلەر – 33، نوتاريۋستار – 4، ساناتورييلەر – 8، «قازپوشتا» اق بولىمشەلەرى – 9، پوليسيا پۋنكتتەرى – 8، ستومالوگيا – 4، اۆتوبۋس پاركى، اۆتو/تەمىرجول ۆوكزالدارى، اۋەجايلار – 9، كىتاپحانا – 4، بجسم، سپورت مەكتەپتەرى – 16 جانە باسقالار قامتىلدى.
ەستەرىڭىزگە سالا كەتەيىك، 2023 جىلعى 1 شىلدەدە ق ر الەۋمەتتىك كودەكسى كۇشىنە ەنگەن كەزدەن باستاپ، ەلىمىزدە مەملەكەتتىك الەۋمەتتىك قورعاۋ ينسپەكتورلارىنىڭ ينستيتۋتى ەنگىزىلدى. ولاردىڭ قۇزىرەتىنە مۇگەدەكتىگى بار ادامداردى الەۋمەتتىك قورعاۋ، ارناۋلى الەۋمەتتىك قىزمەتتەر كورسەتۋ جانە الەۋمەتتىك قامسىزداندىرۋ سالاسىنداعى زاڭنامانىڭ ساقتالۋىن باقىلاۋدى جۇزەگە اسىرۋ كىرەدى.