بۇل تۋرالى كريمينالدىق پوليسيا دەپارتامەنتى باسقارماسى باستىعىنىڭ ورىنباسارى سامات قۇسەتوۆ ءداستۇرلى بريفينگ بارىسىندا ايتتى، دەپ حابارلايدى اlmaty-akshamy.kz.
ىشكى ىستەر ورگاندارىنىڭ قىزمەتىندەگى ماڭىزدى باعىتتاردىڭ ءبىرى – ۇرلىققا قارسى كۇرەس، قىلمىستىڭ جالپى قۇرىلىمىندا ولاردىڭ ۇلەسى شامامەن 44 پايىزدى قۇرايدى. ءدال وسى قىلمىستار، ءتىپتى از زيان بولسا دا، يەلەرىنە ايتارلىقتاي ماتەريالدىق جانە مورالدىق شىعىن كەلتىرەدى، ازاماتتاردىڭ قاۋىپسىزدىگى مەن جايلى ءومىر ءسۇرۋ دەڭگەيىنە تەرىس اسەر ەتەدى، - دەدى قۇسەتوۆ.
ول بىلتىر مال ۇرلىعى بويىنشا جاسالعان قىلمىستاردى ءتىزىپ بەردى.
2021 جىلدىڭ قورىتىندىسى بويىنشا، 920-دان استام مال ۇرلىعى، ونىڭ ىشىندە 121 قىلمىستىق توپ ۇستالدى. ۇرلانعان 9 مىڭ (9084) باس ءىرى قارانىڭ 5 مىڭعا جۋىعى نەمەسە 56 پايىزى، ياعني جارتىسىنان استامى تابىلىپ، قايتارىلدى. ماسەلەن، قاراعاندى وبلىسىندا وتكەن جىلدىڭ اقپان ايىندا مال ۇرىلار توبىنىڭ قىلمىستىق ارەكەتى اشكەرەلەنگەن. ولار 50-دەن استام جىلقى مەن 4 مال ۇرلىعىن جاساعان، - دەدى ول.