الماتىنىڭ تومەنگى بولىگىن تۇننەن بەرى قالىڭ تۇمان باسىپ تۇر، سول سەبەپتى اۋەجاي شتاتتىق رەجيمدە جۇمىس ىستەپ تۇر
«قازگيدرومەت» رمك باسپا ءسوز قىزمەتى تاراتقان مالىمەتكە سايكەس، 31 قاڭتاردا الماتى، شىمكەنت، اتىراۋ، بالقاش جانە جەزقازعان قالالارىندا قولايسىز مەتەورولوگيالىق جاعدايلار كۇتىلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقا مەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قالىڭ تۇمانعا قاراماستان، الماتى حالىقارالىق اۋەجايى شتاتتىق رەجيمدە جۇمىس ىستەپ تۇر. اۋەجايدىڭ باسپا ءسوز قىزمەتى اۋا رايىنىڭ قولايسىزدىعىنا بايلانىستى رەيستەردىڭ كەشىگۋىنە ەش نەگىز جوق ەكەنىن اتاپ ءوتتى.