ەلوردادا ەر ادامنىڭ كوپقاباتتى ءۇيدىڭ كىرەبەرىسىندەگى ەسىكتىڭ اينەگىن سىندىرىپ، ليفتكە زاقىم كەلتىرگەن، – دەپ حابارلايدى اlmaty-akshamy.kz Polisia.kz-كە سىلتەمە جاساپ.
تەرگەۋ بارىسىندا ارىزدانۋشى مەن كۇدىكتى تۇنگى ۋاقىتتا كاراوكە كلۋبقا دەمالۋعا بارعانى بەلگىلى بولعان. ىشىمدىك ءىشۋ سالدارىنان ولاردىڭ اراسىندا اۋىزشا جانجال تۋىنداپ، سودان كەيىن ايەل تاكسي شاقىرىپ ۇيىنە كەتكەن. الايدا ەر ادام جانجالدى جالعاسىتىرپ، ونىڭ سوڭىنان قالماي ەرىپ وتىرعان. ول ۇيگە جاقىنداعاندا بىردەن كىرەبەرىسكە جۇگىرىپ كەلىپ، قولىنداعى تاياققا ۇقساس زاتپەن ەسىكتىڭ اينەگىن سىندىرعانشا قاعا باستاعان. سودان كەيىن سىنعان ەسىك ارقىلى پودەزگە كىرىپ، ليفتكە دە زاقىم كەلتىرگەن.
بۇزاقىنىڭ بۇل ارەكەتى بەينەباقىلاۋ كامەراسىنا ءتۇسىپ قالعان.
اتالعان فاكتى بويىنشا نۇرا اۋداندىق پب كريمينالدىق پوليسيا ءبولىمىنىڭ قىزمەتكەرلەرى دەرەۋ بۇزاقىنىڭ كىم ەكەنىن انىقتاۋعا جۇمىلىپ، جەدەل-ىزدەستىرۋ ناتيجەسىندە 34 جاستاعى قالا تۇرعىنىن انىقتاعان. اتالعان فاكتى بويىنشا ق ر قىلمىستىق كودەكسىنىڭ 293-بابى (بۇزاقىلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ەر ادام كىناسىن مويىنداعان. استانا قالاسى پوليسيا دەپارتامەنتى ازاماتتارعا بوتەننىڭ مۇلكىنە زيان كەلتىرگەنى ءۇشىن قولدانىستاعى زاڭناماعا سايكەس جاۋاپكەرشىلىككە قاراستىرىلاتىنىن ەسكەرتەدى.