بۇگىن بۇۇ باس اسسامبلەياسى 152 ەلدىڭ بىرلەسكەن اۆتورلىعىمەن ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى بۇۇ-نىڭ ايماقتىق ورتالىعىن الماتىدا اشۋ تۋرالى قاراردى كونسەنسۋس نەگىزىندە قابىلدادى، دەپ حابارلايدى aqshamnews.kz.
بۇل ماڭىزدى شەشىم قازاقستاننىڭ حالىقارالىق ارەناداعى ماڭىزدى جەتىستىكتەرىنىڭ ءبىرى بولىپ تابىلادى. اقوردا بۇل قاراردىڭ قابىلدانۋىن ەلىمىزدىڭ سىرتقى ساياساتتاعى ايتارلىقتاي تابىسى رەتىندە اتاپ ءوتتى. قازاقستاننىڭ حالىقارالىق ىنتىماقتاستىق پەن ايماقتىق تۇراقتىلىقتى نىعايتۋعا باعىتتالعان باستامالارى ءوز ناتيجەسىن بەرۋدە.
قازاقستان پرەزيدەنتى، بارلىق سەرىكتەستەرىنە وسى تاريحي وقيعانى قولداعاندارى ءۇشىن العىس ءبىلدىرىپ، ايماقتىق ورتالىقتىڭ اشىلۋى ورتالىق ازيا مەن اۋعانستان ەلدەرىنە ورنىقتى دامۋ ماقساتتارىنا جەتۋدە ۇلكەن مۇمكىندىك بەرەتىنىن اتاپ ءوتتى. مەملەكەت باسشىسىنىڭ پىكىرىنشە، بۇۇ-نىڭ ايماقتىق حابى حالىقارالىق ءىس-قيمىلدى ۇيلەستىرۋدىڭ ماڭىزدى الاڭىنا اينالىپ، ايماقتاعى ەلدەر اراسىندا ءوزارا تۇسىنىستىك پەن سەرىكتەستىكتى نىعايتۋعا ىقپال ەتەدى.
قازاقستاننىڭ باستاماسىمەن اشىلاتىن بۇل ورتالىق ايماقتىق دامۋ مەن تۇراقتىلىقتى قامتاماسىز ەتۋ ءۇشىن ماڭىزدى ءرول اتقاراتىن بولادى. ورنىقتى دامۋ ماقساتتارىن ىسكە اسىرۋدا بۇۇ مەن ونىڭ سەرىكتەستەرى اراسىنداعى ءتيىمدى ىنتىماقتاستىقتىڭ نىعايۋى، سونداي-اق، قازاقستاننىڭ ايماقتاعى جەتەكشى ءرولىن ايقىنداپ وتىر.