بۇگىن الماتىداعى كامەنسك ۇستىرتىندە جارتى ساعاتتىڭ ىشىندە جاۋىن-شاشىننىڭ قالىپتان تىس مولشەرى جاۋىپ، "ەسەنتاي مولل" ساۋدا ورتالىعىنداعى جەراستى اۆتوموبيل تۋننەلى سۋ استىندا قالدى. جاۋىن شاشىن كولەمى ورتاشا ايلىق نورمادان ەداۋىر استى. ساعات 18:30-دان باستاپ ءال-فارابي داڭعىلىنداعى (ج.ۇشكەمپىروۆ كوشەسىنىڭ قيىلىسى) جاڭبىر سۋى ارىق جەلىسىنە سىيماي، داڭعىلدىڭ جول بولىگىنە قاراي ارناسىنان شىقتى. ساعات 19:00-دەن باستاپ نوسەر جاۋىننىڭ سۋى ءال-فارابي داڭعىلىنىڭ جول بولىگىندەگى كولىك ايرىعىنىڭ شىعىس جانە باتىس بۇرىلىستارىنا، سونداي-اق "ەسەنتاي" سوو قارسى جەراستى جاياۋ جۇرگىنشىلەر وتكەلىنە جايىلدى، دەپ حابارلايدى اlmaty-akshamy.kz
الماتى قالاسى پوليسيا باسقارماسى قىزمەتكەرلەرىنىڭ كۇشىمەن كولىك قۇرالدارىنىڭ قوزعالىسى بۇرىلىس ايماعىندا شەكتەتىلدى.
بۇرىن سوڭدى بولماعان نوسەرلى جاۋىننان كولىك ايرىعىنىڭ سورعى ستانسياسىنىڭ اۆتومات قۇرىلعىلارى ىستەن شىقتى. ايتا كەتەيىك، سورعى ستانسياسى "ەسەنتاي" سوو-نىڭ بالانسىندا جانە ول قولمەن قوسىلعان.
قازىرگى ۋاقىتتا سورعىلار شتاتتىق رەجيمدە جۇمىس ىستەپ جاتىر. تۋننەلدەردەن سۋ سورۋ جۇمىسى قالىپتى جاعدايدا جۇرگىزىلۋدە. جۇمىستارعا قالانىڭ كوممۋنالدىق قىزمەتتەرى مەن قۇتقارۋ قىزمەتىنىڭ ارنايى سۋ سورعىش تەحنيكاسى مەن موتوپومپالارى قوسىلعان.
جاڭبىر جاۋا باستاعان ساتتەن سۋ تاسقىنىنىڭ الدىن الۋ جانە ونى جويۋ، سۋدىڭ كەدەرگىسىز ءوتۋىن قامتاماسىز ەتۋ ءۇشىن موتوپومپالارمەن، باگرلەرمەن جانە باسقا دا شانس قۇرالدارىمەن جابدىقتالعان 42 جەدەل ءموبيلدى بريگادانىڭ كەزەكشىلىگى ۇيىمداستىرىلدى. اۋدان اكىمدىكتەرىندە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
"قازگيدرومەت" رمك بولجامى بويىنشا ەرتەڭ تۇستەن كەيىن تەمپەراتۋرا +29...+31 دەيىن كوتەرىلەدى جانە قىسقا ءالسىن ءالسىن جاڭبىر جاۋى ىقتيمال.