بۇرشاق جاۋىپ، ۇسىك جۇرەدى

30 ساۋىرگە ارنالعان اۋا رايى بولجامى.

سينوپتيكتەردىڭ بولجاۋىنشا، ەلىمىزدىڭ ءبىرقاتار ايماعىندا جاۋىن-شاشىندى اۋا رايى بولادى، دەپ حابارلايدى Almaty-akshamy.kz

"قازگيدرومەت" رمك دەرەكتەرى بويىنشا، رەسپۋبليكامىزدىڭ باسىم بولىگىنىڭ اۋا رايىنا اتموسفەرالىق فرونتالدى بولىكتەردىڭ اسەرى بولادى، وسىعان بايلانىستى سولتۇستىك-باتىس، سولتۇستىك، ورتالىق وڭىرلەردە قاتتى جاڭبىر جاۋادى، ال وڭتۇستىك-شىعىستىڭ تاۋلى ايماقتارىندا جاڭبىر مەن قار تۇرىندە ارالاس جاۋىن-شاشىن بولادى.

«رەسپۋبليكامىز بويىنشا جەلدىڭ ەكپىن الۋى كۇتىلەدى، ەلىمىزدىڭ باتىسىندا، ورتالىعىندا، شىعىسىندا نايزاعاي وينايدى، باتىس، سولتۇستىك-باتىس وڭىرلەردە بۇرشاق جاۋادى، سونداي-اق ەلىمىزدىڭ باتىسىندا، ورتالىعىندا، وڭتۇستىگىندە، وڭتۇستىك-باتىسىندا قاتتى جەل تۇرادى، سولتۇستىك، وڭتۇستىك-شىعىس وڭىرلەردە تۇمان بولادى دەپ بولجانادى. تۇندە سولتۇستىك قازاقستان وبلىسىنىڭ سولتۇستىك-شىعىسىندا، پاۆلودار وبلىسىنىڭ سولتۇستىگىندە سىناپ باعانى -2°C كورسەتىپ، ۇسىك جۇرەدى دەپ كۇتىلەدى»، - دەيدى سينوپتيكتەر.

بولجامعا سايكەس، ماڭعىستاۋ وبلىسىنىڭ باسىم بولىگىندە، اتىراۋ وبلىسىنىڭ باتىسىندا، وڭتۇستىگىندە، شىعىسىندا، باتىسىندا، وڭتۇستىگىندە، قىزىلوردا قالاسىنىڭ ورتالىعىندا، تۇركىستان وبلىسىنىڭ سولتۇستىگىندە، اباي وبلىسىنىڭ وڭتۇستىگىندە، قاراعاندى وبلىسىنىڭ وڭتۇستىگىندە، جەتىسۋدىڭ باتىسىندا، اقتوبە وبلىسىنىڭ وڭتۇستىگىندە ءورت ءقاۋپى جوعارى.