بۋرسا – تۇركى الەمىنىڭ مادەني استاناسى

تۇركسوي ۇيىمىنىڭ باستاماسىمەن تۇركىتىلدەس مەملەكەتتەردىڭ مادەني ەلورداسىن بەرۋ مارتەبەسى 2012 جىلى قازاقستاننىڭ استاناسىنان باستالدى.

ەسكە سالا كەتەيىك، بۇل تۋرالى وزبەكستاننىڭ حيۋا قالاسىندا وتكەن تۇركسوي ۇيىمى تۇراقتى كەڭەسىنىڭ 38ء-شى وتىرىسىندا بەلگىلى بولعان ەدى. سودان بەرى مادەني استانادا ءتۇرلى فەستيۆال، كونفەرەنسيا لەگى تولاسسىز وتۋدە. ال كۇنى كەشە تۇركيانىڭ بۋرسا قالاسىندا تۇركسوي ۇيىمىنىڭ ناۋرىز مەيرامىنا ارنالعان ەكى اپتالىق مەرەكەلىك شاراسى اياسىندا مادەني استانانىڭ رەسمي اشىلۋى ءوتتى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

حالىقارالىق ۇيىمنىڭ باس حاتشىسى دۇيسەن قاسەيىنوۆتىڭ ايتۋىنشا، بەلگىلى ءبىر مەكەندى مادەني استانا دەپ تانۋ تاريحي قالالارىمىزدىڭ قايتا جاڭعىرۋىنا، ولاردىڭ الەمگە باسقاشا بەينەدە تانىلۋىنا مۇمكىندىك بەرەدى.

«ەۋروپانىڭ مادەني استاناسى» دەگەن اتاۋ بەرىلگەلى 40 جىلداي ۋاقىت بولدى. ءبىز 2012 جىلى باستادىق. تۇركى الەمىنىڭ مادەني استاناسى دەپ جاريالاعاننان كەيىن، ءتۇرلى سانات ادامدارى كەلىپ، ءبىلىم، كوپتەگەن ونەر ۇجىمى، وعان قوسا فەستيۆالدەر وتكەندىگى قالاعا ۇلكەن جارناما بولدى. قانداي ادەمى، باي بولسا دا، تۋريستەر كەلمەسە، بىر-بىرىنە ايتىپ ۇسىنباسا، ول قالالاردى ەشكىم تانىمايدى»، -  دەيدى حالىقارالىق «تۇركسوي» ۇيىمىنىڭ باس حاتشىسى دۇيسەن قاسەيىنوۆ.