پرەزيدەنت قاسىم-جومارت توقايەۆتىڭ توراعالىعىمەن ۇلتتىق قۇرىلتايدىڭ كەزەكتى وتىرىسى بۋرابايدا باستالادى. بۇل تۋرالى Aqshamnews.kz سايتى 24.kz دەرەگىنە سىلتەمە جاساپ حابارلايدى.
ۇلتتىق قۇرىلتاي العاش رەت 2022 جىلدىڭ ماۋسىمىندا قۇرىلىپ، بيىل ءتورتىنشى رەت جينالماق. قۇرىلتاي جۇمىسى ەلدىڭ تاريحي جادىن جاڭعىرتۋعا، ۇلتتىق قۇندىلىقتاردى دارىپتەۋگە جانە جاڭا ساياسي مادەنيەتتى قالىپتاستىرۋعا باعىتتالعان.
وتكەن جىلى ۇلتتىق قۇرىلتايدىڭ ءۇشىنشى وتىرىسىندا كوتەرىلگەن باستامالاردىڭ ناتيجەسىندە 10 زاڭ جوباسى ۇسىنىلىپ، 9 زاڭ قابىلداندى. قۇرىلتايعا ەلدىڭ ءار وڭىرىنەن قوعام قايراتكەرلەرى، ساراپشىلار جانە ازاماتتىق بەلسەندىلەر قاتىسۋدا.
بۇعان دەيىن قۇرىلتاي ۇلىتاۋ، تۇركىستان، اتىراۋ سياقتى تاريحي قالالاردا ءوتىپ، قوعامداعى وزەكتى ماسەلەلەردى تالقىلاۋعا جانە شەشىمدەر قابىلداۋعا مۇمكىندىك بەردى.