قاسىم-جومارت توقايەۆ 82،5 پايىزبەن مارەگە جەتتى.
بۇل قيىن-قىستاۋلى كەزەڭدە ءوزىنىڭ جەتەكشىلىك قابىلەت-قارىمىن حالقىنا دالەلدەي العان تۇلعاعا بەرگەن حالىقتىڭ سەنىمى. وسىلاي دەگەن مەملەكەت جانە قوعام قايراتكەرى نۇرلان ورازالين قازاقستاندىقتاردى قۇتتىقتادى، دەپ حابارلايدى Almaty-akshamy.kz.
«پرەزيدەنتتىك سايلاۋ بۇل جولى اسا قيىن، كۇردەلى حالىقارالىق جاعداي شيەلىنىسكەن كەزدە، ساياسي احۋال باتىس پەن شىعىس اراسىندا الماعايىپ ءداۋىر ءوتىپ جاتقان تۇستا، جاڭا پرەزيدەنتىمىزدى سايلادىق. تاڭداپ الدىق. قاسىم-جومارت توقايەۆ 82،5 پايىزبەن مارەگە جەتتى. بۇل - قيىن-قىستاۋلى كەزەڭدە ءوزىنىڭ جەتەكشىلىك قابىلەت-قارىمىن حالقىنا دالەلدەي العان تۇلعاعا بەرگەن ەلدىڭ سەنىمى. جاڭا پرەزيدەنت قۇتتى بولسىن، اعايىن! باي-قۋاتتى مەملەكەتتى دامىتۋ ءۇشىن، جاڭا قازاقستاننىڭ اۋىر جۇگىن يىعىنا سالىپ، قايىسپاي كوتەرۋگە جازسىن دەيمىز»، – دەدى مەملەكەت جانە قوعام قايراتكەرى نۇرلان ورازالين.