قازاقستاندا حالىق مۇددەسىن قولدايتىن، ۇنىنە قۇلاق اساتىن جاڭا مەملەكەتتىك جۇيە قالىپتاسادى دەپ ويىن بىلدىرگەن عالىمدار مەملەكەت باسشىسىنىڭ باستاماسىن قولدايتىنىن ايتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ق ر ۇعا پرەزيدەنتى مۇرات جۇرىنوۆ حالىقتى كونستيتۋسيانىڭ جاڭا باپتارىن تالقىلاپ، وي قوسۋعا شاقىردى.
«كونستيتۋسيا 3 رەت وزگەرتىلگەن. ءبىراق ول كەزدە رەفەرەندۋم بولعان جوق. ونى پارلامەنت قابىلدادى، ال بۇل جولى تۇبەگەيلى وزگەرىستەر ەنگىزەدى. سۋپەرپرەزيدەنتىك باسقارۋدان دەموكراتيالىق باسقارۋ جۇيەسىنە ءوتۋ، پارلامەنت پىكىرىن تىڭداۋ، ۇكىمەنتتىڭ ونى تالاپقا ساي ورىنداۋى، وسىنىڭ ءبارى - كونستيتۋسيادا بەكىتىلۋى كەرەك. كونستيتۋسيانىڭ جاڭا باپتارىن تالقىلاپ، وي قوسۋعا شاقىرامىن. ءبارىمىز ءبىر اۋىزدان قولدايىق. ويتكەنى، بۇل - وتانىمىزدىڭ كەلەشەگى»، – دەدى ق ر ۇعا پرەزيدەنتى مۇرات جۇرىنوۆ.