پرەزيدەنت جولداۋىندا مىناۋىسى قاتە بولدى-اۋ دەيتىندەي ەشتەڭە جوق.
مۇنداي پىكىردى قازاقستاننىڭ ەڭبەك سىڭىرگەن قايراتكەرى، جازۋشى كادىربەك سەگىزباي ءبىلدىردى، دەپ حابارلايدى Almaty-akshamy.kz.
«بۇل جولداۋ شىن مانىندەگى حالىقتىڭ كۇتكەن جاڭالىعى، جاقسىلىعى كوپ جولداۋ بولدى.ءوزى ساناپ تۇرىپ توعىز پۋنكت شىعاردى. مىناۋىسى قاتە بولدى-اۋ دەيتىن ەشتەڭەسى جوق. ەڭ الدىمەن ايتارىم - مىناۋ زاڭ ماسەلەسىن جولعا ءتۇسىرۋ. سوسىن كوپتەن بەرى ايتىلىپ جۇرگەن ايەلدەر جىل سايىن، اي سايىن ايتىپ جۇرگەن 2-3 ايدان قوسىلىپ وتىراتىن زەينەتكە شىعارۋ جاسى. ءقازىر 61 دەپ ءبىر جىل وتكىزىپ تاستادى. 61 دەگەن تىم كارىلىك جاسى ەمەس، تىم جاس تا ەمەس، ورتا شەنىندەگى ءدالى عوي دەپ ويلايمىن. سوندىقتان بۇكىل قازاقستاننىڭ ايەل قاۋىمى وسى حابارعا قاتتى قۋانىپ جاتقان شىعار دەگەن وي بار»، - دەيدى قازاقستاننىڭ ەڭبەك سىڭىرگەن قايراتكەرى، جازۋشى كادىربەك سەگىزباي.