رەفەرەندۋم – بارلىعىمىز كۋا بولعان قازاقستاننىڭ بولاشاعى ءۇشىن ماڭىزى ەرەكشە تاريحي وقيعا.
داۋىس بەرۋ قۇقىعى بار بارشا حالىقتىڭ 68% رەفەرەندۋمعا قاتىسۋى جالپى حالىقتىڭ سايلاۋ پروسەسىنە، مەملەكەتتىك ساياسي ومىرىنە قاتىسۋ بەلسەندىلىگى كورسەتكىشىنىڭ ءبىرشاما جاقسى ەكەنىن اڭعارتادى. سايلاۋ ناتيجەلەرى، مەنىڭشە، ەشكىمنىڭ دە كۇمانىن تۋدارىمايتىن سياقتى. ويتكەنى حالىق وزگەرىستەردى قولدايدى دا، قالايدى دا. بۇل كورسەتكىش – حالىق ءۇمىتىنىڭ كورسەتكىشى دەسەك تە بولادى.
مۇندايدا مايقى ءبيدىڭ: «التاۋ الا بولسا، اۋىزداعى كەتەدى، تورتەۋ تۇگەل بولسا، توبەدەگى كەلەدى»، - دەگەن اتالى ءسوزى ەسكە تۇسەدى. ءدال وسىلاي جۇدىرىقتاي جۇمىلىپ، ءوز قولىمىزبەن وزگەرىسكە دەمەۋ جاساپ وتىرساق، جارقىن بولاشاعىمىز جاقىنداي تۇسەدى. بۇل يگى ءىستىڭ باسى كونستيتۋسياعا وزگەرىس ەنگىزۋ ارقىلى باستالعانى جاقسى باستاما بولدى، بۇدان كەيىنگى رەفورمالارعا دا ءبارىمىز بىردەي قاتىسىپ، جاڭا قازاقستانعا نىق قادام جاسايىق!