كەشە مەملەكەت باسشىسى قاسىم-جومارت توقايەۆتىڭ وتكەن رەفەرەندۋمعا بايلانىستى قازاقستان حالقىنا ۇندەۋى جاريالاندى.
راسىندا، ءبىز قازاقستان تاريحىنداعى اۋقىمدى تاريحي وقيعانىڭ كۋاگەرى جانە قاتىسۋشىلارى بولدىق. كونستيتۋسياعا ەنگىزىلگەن وزگەرىستەردى قازاقستاندىقتاردىڭ 77 پايىزدان استامى قولدادى. مەملەكەت باسشىسى اتاپ وتكەندەي، اتا زاڭعا وزگەرىستەر ەنگىزۋ رەفورمالارىمىزدىڭ سوڭعى ساتىسىن ەمەس، ەندى باستالعانىن بىلدىرەدى. ءبىز ەلىمىزدى جان-جاقتى جاڭعىرتۋدى جالعاستىرامىز. جاڭارتىلعان كونستيتۋسيا نەگىزىندە بيلىكتىڭ بارلىق ينستيتۋتى قىزمەتىنىڭ مەيلىنشە ءتيىمدى مودەلىن قالىپتاستىرامىز.
اماNات پارتياسى رەفەرەندۋم جاريالانعان كۇننەن باستاپ كونستيتۋسياعا ەنگىزىلەتىن وزگەرىستەر مەن تولىقتىرۋلاردى تولىعىمەن قولدادى. قىسقا ۋاقىت ىشىندە جاڭا فورماتتا اۋقىمدى ءاقپاراتتىق-تۇسىندىرۋ جۇمىستارى جۇرگىزىلدى. ءبىز ەنگىزىلەتىن وزگەرىستەردىڭ ءمانىن ءاربىر ازاماتقا جەتكىزۋگە تىرىستىق.
رەفەرەندۋم قورىتىندىسى قوعامنىڭ ەل بولاشاعىنا دەگەن كوزقاراسىنىڭ ورتاق ەكەنىن كورسەتتى. قازاقستان حالقى پرەزيدەنتتىڭ كونستيتۋسيالىق رەفورماسىنا ۇلكەن سەنىم ارتىپ، قولداۋ ءبىلدىردى.
رەفەرەندۋم ءبىزدىڭ ازاماتتارىمىز ءۇشىن ماڭىزدى، وزەكتى ماسەلەلەر بويىنشا ءوز ەركىن ءبىلدىرۋ بولدى، ءبىزدىڭ ازاماتتار تەك تۇزەتۋلەر ءۇشىن عانا ەمەس، وزدەرى ءومىر سۇرگىسى كەلەتىن ەل ءۇشىن داۋىس بەرگەنىنە سەنىمدىمىن.