بۇكىلالەمدىك مۇراعا ەنگىزىلگەن مۇزدىقتاردىڭ ەرۋ ءقاۋپى جىل وتكەن سايىن ارتىپ كەلەدى - يۋنەسكو

يۋنەسكو-نىڭ بۇكىلالەمدىك مۇراسىنىڭ تىزىمىندەگى مۇزدىقتاردىڭ ۇشتەن ءبىرى 2050 جىلعا قاراي ەريدى.

بۇل تۋرالى ۇيىمنىڭ بايانداماسىندا ايتىلعان، دەپ حابارلايدى  Almaty-akshamy.kz قازاقپاراتقا سىلتەمە جاساپ. 

ونىڭ اۆتورلارى كليماتتىڭ وزگەرۋىنە قارسى قانداي شارالار قولدانىلسا دا، كيليماندجارو جانارتاۋىنداعى، دولوميتتەردەگى ءالپى تاۋ جۇيەسىندەگى، پيرەنەيدەگى جانە اقش-تاعى يوسەميت ۇلتتىق ساياباعىنداعى مۇز ماسسالارىن بۇدان بىلاي قۇتقارۋ مۇمكىن ەمەس دەپ سانايدى.

سونىمەن قاتار، ەگەر جاھاندىق جىلىنۋ كورسەتكىشى سەلسيي بويىنشا 1،5 گرادۋستان اسپاسا عانا، مۇزدىقتاردىڭ قالعان ۇشتەن ەكى بولىگىن ءالى دە ساقتاپ قالۋعا بولادى.

يۋنەسكو-نىڭ بۇكىلالەمدىك مۇراسىنىڭ تىزىمىنە بارلىعى 18 600 مۇزدىق، ياعني الەمدەگى ءاربىر ونىنشى مۇزدىق كىرەدى. ولاردىڭ جالپى اۋدانى 66 مىڭ شارشى شاقىرىمدى قۇرايدى.

يۋنەسكو ماماندارى بۇل مۇزدىقتار جىل سايىن شامامەن 58 ميلليارد توننا سۋ جوعالتاتىنىن ەسكەرتەدى. بۇل تەڭىز دەڭگەيىنىڭ كوتەرىلۋىنە اكەلەدى، ال مۇزدىقتاردى تۇششى سۋ كوزى رەتىندە پايدالاناتىن جەرگىلىكتى تۇرعىندار ءۇشىن بۇل جاعداي قيىندىقتار تۋدىرۋى مۇمكىن.

يۋنەسكو-نىڭ سپۋتنيكتىك دەرەكتەرگە نەگىزدەلگەن بايانداماسى ەگيپەتتە 6-18 قاراشا ارالىعىندا وتەتىن COP27 كليماتتىق ءسامميتى قارساڭىندا جاريالاندى.