عالىمداردىڭ جاڭا زەرتتەۋى ايوۆا شتاتىن مەكەندەيتىن بۇل جانۋارلاردىڭ ۆيرۋستى بىر-بىرىنەن دە، ادامداردان دا جۇقتىراتىنىن كورسەتكەن.
امەريكالىق اق قۇيرىقتى بۇعىلاردان كوروناۆيرۋستىڭ بەلگىلەرى تابىلعان، دەپ حابارلايدى Almaty-akshamy.kz تاسس اگەنتتىگىنە سىلتەمە جاساپ.
«ءبىز ايوۆادا 2020 جىلدىڭ قىركۇيەگى مەن 2021 جىلدىڭ قاڭتارى ارالىعىندا زەرتتەگەن بۇعىلاردىڭ شامامەن ۇشتەن ءبىرىنىڭ تىندەرىندە كوروناۆيرۋس بولدى. بۇل ينفەكسيالار ادامدارمەن، سونداي-اق باسقا اۋرۋ جانۋارلارمەن بىرنەشە رەت قاتىناس جاساۋ ناتيجەسىندە جۇعاتىن بولادى»، - دەپ جازدى زەرتتەۋشىلەر.
SARS-CoV-2 تەك ادامداردىڭ عانا ەمەس، باسقا سۇتقورەكتىلەردىڭ دە اعزاسىنا ەنە الادى. ولاردىڭ اراسىندا ماكاكا، كۇزەندەر مەن مىسىقتار بار جانە ينفەكسيا ادامدارعا قالاي اسەر ەتسە، وسى جانۋارلاردىڭ بارلىعىنا دا تۋرا سولاي اسەر ەتەدى.
امەريكالىق عالىمدار كوروناۆيرۋستىڭ اق قۇيرىقتى بۇعىلاردىڭ دەنەسىنە ەنۋى مۇمكىن ەكەنىن بىرنەشە رەت بايقاعان.
بۇل پەنسيلۆانيا ۋنيۆەرسيتەتىنىڭ پروفەسسورى ۆيۆەك كاپۋر باستاعان ۆەتەرينارلاردىڭ نازارىن اۋداردى. عالىمدار كوروناۆيرۋستىڭ بۇعىلار اراسىندا قالاي تارالاتىنىنا قىزىعۋشىلىق تانىتىپ، ايوۆا ورماندارى مەن حايۋاناتتار باعىندا تۇراتىن 283 اق قۇيرىقتى بۇعىلاردىڭ ليمفا ۇلگىلەرىن جينادى.
پتر سىناعى ءاربىر ءۇشىنشى بۇعىنىڭ ليمفا تۇيىندەرىندە كوروناۆيرۋستىڭ جاڭا ءتۇرىنىڭ ىزدەرى بار ەكەنىن كورسەتتى. ينفەكسيانىڭ باسىم كوپشىلىگى 2020 جىلدىڭ قاراشاسى مەن 2021 جىلدىڭ قاڭتارى ارالىعىندا، اقش-تاعى ىندەتتىڭ ەكىنشى تولقىنىنىڭ شارىقتاۋ شەگىندە بولدى.
SARS-CoV-2 ۇلگىلەرىنىڭ گەنەتيكالىق تالداۋى كەيبىر ينفەكسيالاردىڭ تەك جانۋارلاردىڭ ءوزارا پوپۋلياسياسى كەزىندە بولعانىن، ال قالعان بۇعىلاردىڭ اۋرۋى ادامدارمەن بايلانىستا بولعانىن كورسەتتى. وسىعان بايلانىستى عالىمدار اققۇيرىق بۇعىلار ەلدەگى ينفەكسيانىڭ ەڭ ۇلكەن تابيعي رەزەرۆۋارلارىنىڭ بىرىنە اينالۋى مۇمكىن دەپ قورقادى - ولاردىڭ پوپۋلياسياسىندا ۆيرۋس دامىپ، مۋتاسياعا ۇشىراۋى مۇمكىن.
عالىمداردىڭ بۇل ماقالاسىن تاۋەلسىز ساراپشىلار قاراستىرماعانىن جانە ادەتتە مۇنداي جاعدايلاردا بولاتىنداي عىلىمي جۋرنالداردىڭ رەداكتورلارى دا تەكسەرمەگەنىن ايتا كەتۋ كەرەك.