ق ر ۇكىمەتىنىڭ 2021 جىلعى 30 ماۋسىمداعى №449 قاۋلىسىنا سايكەس، ماۋسىم ايىنىڭ ەكىنشى جەكسەنبىسى مالشىلار كۇنى بولىپ بەكىتىلگەن. «Shopan-ata» قازاقستان قوي وسىرۋشىلەر ۇلتتىق قاۋىمداستىعىنىڭ ءتوراعاسى الماسبەك سادىربايەۆ قازاقپارات تىلشىسىنە وسى اتاۋلى كۇننىڭ نەگە كەڭ اۋقىمدا مەرەكەلەنبەي جاتقانى تۋرالى پىكىرىن ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«قازاقتا جاقسى ءسوز بار. «اكىمى اقىنىن ىزدەگەن ەل وزادى، اقىنى اكىمىن ىزدەگەن ەل توزادى» دەيدى. بىلتىر پرەزيدەنتكە ۇسىنىس ايتىپ، حات جازدىق. ول كىسى قولداپ، مالشىلار كۇنىن مەملەكەتتىك مەرەكەلەر كۇنتىزبەسىنە بەكىتۋ تۋرالى تاپسىرما بەردى. اۋىل شارۋاشىلىعى مينيسترلىگى سونى الىپ، كۇنتىزبەگە ەنگىزۋگە قاۋقارى جەتپەدى. سوندا پرەزيدەنتتىڭ شەشىمى بار، ۇكىمەتتىڭ قاۋلىسى بار. ال اۋىل شارۋاشىلىعى مينيسترلىگىنەن ءبىر مامان ەلەكتروندى ۇكىمەت پورتالىنا حابارلاسىپ، ۇكىمەت قاۋلىسى بويىنشا مەملەكەتتىك مەرەكەلەر كۇنتىزبەسىنە مالشىلار كۇنىن قوسۋ كەرەك دەپ ايتۋى كەرەك ەدى. قاراپ وتىرساڭىز جاي ءبىر تەحنيكالىق ماسەلە عانا. سونى دا جاساماعان. شالاعايلىقتىڭ سالدار ى نان قازاق شارۋالارىنىڭ وسىلاي ەسكەرۋسىز قالىپ جاتقانى وكىنىشتى»، - دەيدى الماسبەك سادىربايەۆ.
ونىڭ ويىنشا، بۇل كۇندە تىم بولماعاندا سالاعا جاۋاپتى باسشىلاردىڭ الەۋمەتتىك جەلىدە شارۋالاردى قۇتتىقتاۋىنا بولاتىن ەدى.
«وبلىس اكىمدەرى، ۇكىمەت باسشىسى، اۋىل شارۋاشىلىعى ءمينيسترى شارۋالاردى كاسىبي مەرەكەسىمەن قۇتتىقتاپ، تىم بولماعاندا الەۋمەتتىك جەلىگە سالسا، سول دا جەتەر ەدى. ءبىراق ولار قۇتتىقتامادى ەكەن دەپ، «تونىمىزدى وتقا جاقپايمىز». قۇدايعا شۇكىر، قاراپايىم ەل قۇتتىقتاپ، ب ا ق وكىلدەرى ىزدەپ جاتىر. ءوز اتىمنان ارىپتەستەرىمدى ورتاق مەرەكەمەن قۇتتىقتايمىن. ءورىسىمىز، قورامىز مالعا تولسىن. ءۇيىمىز جانعا تولسىن. ەلدىڭ ازىق-تۇلىك قاۋىپسىزدىگىن قامتاماسىز ەتۋ دەگەن اسىل مىندەتتى ابىرويمەن اتقارا بەرەيىك. ءار قازاق مالدى، جاندى بولسىن!» - دەپ تۇيىندەدى.
وسى سۇراقتى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتىنە دە قويدىق. ونداعىلار ءمينيستردىڭ قۇتتىقتاۋى ۆەدومستۆونىڭ رەسمي سايتىنا ءسال كەيىنىرەك جاريالاناتىنىن ايتتى. اتالعان سايتتا 14 مامىردا جاريالانعان رەسمي دەرەك بويىنشا، 2022 جىلى مال شارۋاشىلىعىن سۋبسيديالاۋعا شامامەن 124،6 ملرد تەڭگە باعىتتالادى. بۇل سالادا مەملەكەتتىك قولداۋمەن سۋبسيديالاۋدىڭ 30-عا جۋىق باعىتى كوزدەلىپ وتىر. ال 2021 جىلى اسىل تۇقىمدى مال شارۋاشىلىعىن دامىتۋعا، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋعا اكىمدىكتەر 108،1 ملرد تەڭگە باعىتتالىپ، رەسپۋبليكالىق بيۋدجەتتەن قوسىمشا 13،6 ملرد تەڭگە بولىنگەن.
ەسكە سالساق، مالشىلار كۇنىن كۇنتىزبەگە ەنگىزۋ تۋرالى ۇكىمەت قاۋلىسى 2021 جىلدىڭ 14 شىلدەسىندە جاريالانعان بولاتىن .