ەل استاناسى لا-پاستا ءوتىپ جاتقان اند فەستيۆالىنە وسى ەلدىڭ تۇكپىر-تۇكپىپىنەن 60 مىڭنان استام ادام كەلگەن. ولاردىڭ دەنى - بيشىلەر مەن مۋزىكانتتار. ءبىر ءبيشىنىڭ كوستيۋمى اشەكەيلەرىن قوسا العاندا 20 مىڭ دوللار تۇرادى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل مەرەكەلىك ءىس-شارا 2020 جىلى كوروناۆيرۋسقا بايلانىستى توقتاتىلعان بولاتىن. بيىل بيلىك رۇقسات بەردى، ءبىراق قاتىسۋشىلاردان تولىق ۆاكسينا سالدىرۋ تالاپ ەتىلدى.
نانسي اگيلار، كورەرمەن:
- بۇل شىنىمەن قۋانىشتى جاعداي. فەستيۆالعا كەلگەندەردىڭ ءبارى شاتتىققا بولەنىپ جاتىر. اسىرەسە پاندەميا كەزىندە جاقىندارىنان ايىرىلعانداردىڭ كوڭىلى ءبىر سەرپىلىپ قالدى دەپ ويلايمىن. ءوز باسىم ءدان ريزامىن!
ايتا كەتەيىك، بۇل فەستيۆالدە ايمارا ۇندىلەرى مەن كاتوليك ءداستۇرىنىڭ كيىم ۇلگىلەرىنە ايرىقشا ءمان بەرىلەدى. بايىرعى جەرگىلىكتى تۇرعىنداردىڭ كيىمى يۋنەسكو-نىڭ مادەني مۇراسى رەتىندە تانىلعان.