ق ر اۋىل شارۋاشىلىعى ءمينيسترى كوكتەمگى دالا جۇمىستارى كەزىندە وڭىرلەردى ارالاۋ بارىسىندا ءۇش وبلىستىڭ شارۋالارىمەن كەزدەستى.
18-21 مامىردا ايداربەك ساپاروۆ ەلىمىزدىڭ بارلىق ەگىس القاپتارىنىڭ 31،5% -ىن قۇرايتىن ءۇش ايماقتىڭ ەگىس جۇمىستارىنىڭ بارىسىمەن جانە فەرمەرلەردىڭ جاعدايىمەن تانىستى. وبلىس اكىمدىكتەرىنىڭ دەرەكتەرى بويىنشا بۇگىنگى كۇنى رەسپۋبليكا بويىنشا 7 ملن گا ەگىن ەگىلگەن، دەپ حابارلايدى Almaty-akshamy.kz سالا مينيسترلىگىنە سىلتەمە جاساپ.
ونىڭ ىشىندە اقتوبە وبلىسىندا - 220 مىڭ گا نەمەسە ءوڭىردىڭ جالپى ەگىس القابىنىڭ 37،7%، قاراعاندى وبلىسىندا - 326،4 مىڭ گا نەمەسە 30،3%، قوستاناي وبلىسىندا - 1 322 مىڭ گا نەمەسە ەگىس ءۇشىن جوسپارلانعان بارلىق القاپتىڭ 25،7%.
ق ر پرەزيدەنتىنىڭ تاپسىرماسى اياسىندا مينەرالدى تىڭايتقىشتاردى ەنگىزۋ دەڭگەيىن ارتتىرۋ ماقساتىندا وبلىس اكىمدىكتەرىنە بيىلعى جىلعى دەڭگەيدى قوسا العاندا 1،5 ملن تونناعا دەيىن جەتكىزۋ مىندەتى جۇكتەلگەن. اتاپ ايتقاندا اقتوبە وبلىسى - 27،2 مىڭ توننا، قاراعاندى وبلىسى - 71،5 مىڭ توننا جانە قوستاناي وبلىسى - 258،6 مىڭ توننا تىڭايتقىشپەن قامتىلۋى ءتيىس.
21 مامىرداعى جاعداي بويىنشا وبلىس اكىمدىكتەرىنىڭ جەدەل دەرەكتەرىنە سايكەس 889 مىڭ توننا كولەمىندە تىڭايتقىش ساتىپ الۋعا شارتتار جاسالدى. ونىڭ 734،4 مىڭ تونناسى فەرمەرلەرگە جونەلتىلدى. بۇگىنگى تاڭدا اقتوبە وبلىسىنا 2،7 مىڭ تونناعا كەلىسىم جاسالىپ، ازىرگە 2،5 مىڭ تونناسى جىبەرىلگەن. قاراعاندى وبلىسىنا قاجەتتى 28،2 مىڭ توننا تىڭايتقىشقا شارتتار جاسالىپ، 21،2 مىڭ تونناسى اتالعان وڭىرگە جەتتى. ال، قوستاناي وبلىسىنا قاجەتتى 170،0 مىڭ تونناعا كەلىسىمشارت جاسالىپ، 108،7 مىڭ توننا تىڭايتقىش ەگىس القابىنا جەتكىزىلدى.
ايداربەك ساپاروۆ جاقسى ءونىم الۋ ءۇشىن جەتكىلىكتى كولەمدە تىڭايتقىش ەنگىزۋدىڭ ماڭىزدىلىعىن، سونداي-اق بۇل ءۇشىن ق ر اشم قاجەتتى جاعداي جاسايتىنىن، اتاپ ايتقاندا تىڭايتقىشتاردى اۆانستىق سۋبسيديالاۋ تەتىگى ەنگىزىلگەنىن، ال قازاقستاندىق وندىرۋشىلەر تىڭايتقىشتاردى اكىمدىكتەردىڭ كەپىلدىگىمەن جونەلتەتىنىن، سونىڭ ارقاسىندا شارۋالارعا ەگىن ەگۋ كەزەڭىندە بىردەن تولەم جاساۋدىڭ قاجەتى جوق ەكەنىن اتاپ ءوتتى. تىڭايتقىشتاردى سۋبسيديالاۋعا 2024 جىلعا جەرگىلىكتى بيۋدجەتتەردەن 36،2 ملرد. تەڭگە باعىتتالعان.
مينيستر اتاپ وتكەندەي، ەگىس جۇمىستارىنا 376 مىڭ توننا ديزەل وتىنى ءبولىندى، ونىڭ ىشىندە قوستاناي وبلىسىندا - 79،6 مىڭ توننا، اقتوبە وبلىسىندا - 7،2 مىڭ توننا، قاراعاندى وبلىسىندا - 17،4 مىڭ توننا تيەسىلى. ايماقتىق وپەراتورلاردىڭ جەتكىزۋ شىعىندارىن ەسكەرە وتىرىپ، ءاشتو ءۇشىن ورتاشا باعا رەسپۋبليكا بويىنشا ەندى 250 تەڭگە/ءليتردى قۇرايدى، بۇل نارىقتىق باعادان 15% ارزان.
سونداي-اق، ەگىس ناۋقانىن قارجىلاندىرۋعا العاش رەت 5 پايىزدىق جەڭىلدىكپەن 580 ميلليارد تەڭگەگە دەيىن قارىز قاراجات ءبولىندى. «كەڭ دالا»، «كەڭ دالا-2» باعدارلامالارى بويىنشا اگرارلىق نەسيە كورپوراسياسى ارقىلى جانە فورۆاردتىق ساتىپ الۋ باعدارلاماسى بويىنشا «ازىق-تۇلىك كەلىسىم شارت كورپوراسياسى» ارقىلى قارجى ءبولىندى.
جوعارىدا اتالعان ءۇش وبلىستىڭ شارۋالارىنان انك ارقىلى قارجىلاندىرۋعا جالپى سوماسى 49،8 ملرد تەڭگەگە 669 ءوتىنىم، ال ازىق-تۇلىك كورپوراسياسى ارقىلى 177 مىڭ توننا استىق ساتىپ الۋ ماقساتىندا 11،9 ملرد تەڭگەگە 134 ءوتىنىم تۇسكەن.
ايداربەك ساپاروۆ ءۇيىر شەگىرتكەلەرىنىڭ تارالۋى بولجاناتىن قوستاناي جانە اقتوبە وبلىستارىندا زيانكەسپەن كۇرەسۋ شارالارى بويىنشا جەدەل كەڭەستەر وتكىزىپ، اگروونەركاسىپتىك كەشەندەگى مەملەكەتتىك ينسپەكسيا كوميتەتىنە اكىمدىكتەرمەن ءوزارا ءىس-قيمىلدى قامتاماسىز ەتۋدى، سونداي-اق شەكارا ماڭىنداعى اۋماقتار بويىنشا جۇمىس جۇرگىزۋدى تاپسىردى. قوستاناي جانە اقتوبە وبلىستارىندا قىستايتىن شەگىرتكە ۇيىرلەرىنىڭ جاي-كۇيىن انىقتاۋ بويىنشا مونيتورينگ جۇمىستارى اياقتالدى، جۇمىرتقادان شىققان دەرناسىلدەرگە كوكتەمگى مونيتورينگ جۇمىستارى باستالدى، اقتوبە جانە قوستاناي وبلىستارىندا مامىر ايىنىڭ اياعىندا شەگىرتكەگە قارسى جاپپاي ءىس-شارالار باستالادى.