بۇگىنگى اۋا رايى مالىمەتى

ەلدىڭ سولتۇستىگىندە جاڭبىر، نايزاعاي، بۇرشاق، داۋىل بولسا، وڭتۇستىكتە اپتاپ ىستىقتىڭ بەتى قايتار ەمەس.

قازگيدرومەت 21 شىلدەگە ارنالعان اۋا رايى مەن ءقاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Almaty-akshamy.kz

اتموسفەرالىق فرونتالدى بولىمدەردىڭ وتۋىنە بايلانىستى ەلىمىزدىڭ باسىم بولىگىندە تۇراقسىز اۋا رايى ساقتالادى، جاڭبىر جاۋادى، كۇندىز اقمولا وبلىسىندا – قاتتى جاڭبىر، نايزاعاي، بۇرشاق، داۋىل كۇتىلەدى. تەك رەسپۋبليكامىزدىڭ باتىس جانە وڭتۇستىك-باتىس بولىكتەرىندە انتيسيكلوننىڭ اسەرىنەن اۋا رايى - جاۋىن-شاشىنسىز.

«كۇندىز اتىراۋ، جامبىل وبلىستارىندا، ماڭعىستاۋ، قاراعاندى، شىعىس قازاقستان، ۇلىتاۋ، اباي وبلىستارىنىڭ وڭتۇستىگىندە 35-38°س قاتتى ىستىق كۇتىلەدى.تۇركىستان، جامبىل، شىعىس قازاقستان، قاراعاڭدى، ۇلىتاۋ، جەتىسۋ، اباي وبلىستارىنىڭ باسىم بولىگىندە، اقمولا وبلىسىنىڭ وڭتۇستىگىندە، شىعىسىندا، قىزىلوردا وبلىسىنىڭ ورتالىعىندا، شىعىسىندا، پاۆلودار وبلىسىنىڭ وڭتۇستىگىندە، اقتوبە وبلىسىنىڭ وڭتۇستىك-شىعىسىندا، ماڭعىستاۋ وبلىسىنىڭ سولتۇستىك-باتىسىندا، وڭتۇستىگىندە، ورتالىعىندا، اتىراۋ وبلىسىنىڭ باتىسىندا توتەنشە ءورت ءقاۋپى ساقتالادى»، - دەپ حابارلادى ۆەدومستۆو.

الماتى وبلىسىنىڭ، سولتۇستىك قازاقستان وبلىسىنىڭ باتىسىندا، وڭتۇستىگىندە، قوستاناي وبلىسىنىڭ وڭتۇستىگىندە جوعارى ءورت ءقاۋپى كۇتىلەدى.