بۇل تىزىمدە اقتوبە، اتىراۋ قالالارى دا بار.
«قازگيدرومەت» رمك ەلىمىزدىڭ 3 قالاسىندا اۋا ساپاسى ناشارلايتىنىن بولجادى، دەپ حابارلايدى Almaty-akshamy.kz
21 شىلدەدە الماتى، اقتوبە، اتىراۋ قالالارىندا اۋانىڭ لاستانۋىنىڭ قولايسىز مەتەورولوگيالىق جاعدايلارى كۇتىلەدى.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قولايسىز مەتەورولوگيالىق جاعداي كەزىندە ەلدىمەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.