بوستاندىق اۋدانىندا 6 بەلسەندى قۇرىلىس الاڭى بار.
اۋداندا سوڭعى جىلدارى تۇرعىن ءۇي قۇرىلىسىنىڭ قارقىنى الەۋمەتتىك نىساندار قۇرىلىسىنان الدەقايدا اسىپ ءتۇستى، دەپ حابارلايدى Almaty-akshamy.kz
بۇگىن اتالعان اۋدان حالقىمەن كەزدەسكەن مەگاپوليس باسشىسى ەربولات دوسايەۆ وسىلاي دەدى.
الەۋمەتتىك نىساندارمەن قامتاماسىز ەتۋدى جۇيەلى شەشۋ ءۇشىن اعىمداعى جىلدىڭ ماۋسىم ايىندا اباي داڭعىلىنان وڭتۇستىككە قاراي جانە ءال-فارابي داڭعىلىنان سولتۇستىككە قاراي 9 قاباتقا دەيىنگى تۇرعىن ۇيلەردىڭ قاباتتىلىعىن شەكتەۋ جانە ەسكيزدىك جوبانى ازىرلەۋ كەزىندە الەۋمەتتىك وبەكتىلەردىڭ (مەكتەپتەر، بالاباقشالار، ەمحانالار) قۇرىلىسى بويىنشا مىندەتتى تالاپتى ەنگىزۋ بولىگىندە قالا قۇرىلىسىنىڭ رەگلامەنتىنە تولىقتىرۋلار ەنگىزىلدى. بارلىق وبەكتىلەر بويىنشا قۇرىلىس باستالار الدىندا قوعامدىق تىڭداۋلار وتكىزىلەتىن بولادى.
قۇرىلىستىڭ جاڭا ەرەجەلەرى بويىنشا جۇمىس باستالىپ كەتتى.
اۋدان تۇرعىندارىن تولعاندىراتىن قۇرىلىستىڭ ناقتى مەكەن-جايلارى بويىنشا جەكە توقتالعىم كەلەدى.
1) اۋدان تۇرعىندارىن «مەگا الما-اتا» سوو الەۋمەتتىك نىساندارمەن قامتاماسىز ەتۋ ءۇشىن الماتى قالاسىنىڭ اكىمدىگى ساياباق ايماعى بار 500 كەلۋشىگە ارنالعان ەمحانا سالۋ ءۇشىن جەر ۋچاسكەسىن ساتىپ الدى. جسق-نى كەلەسى جىلدىڭ باسىندا جانە قمج-نى 2023 جىلدىڭ 4-توقسانىندا ازىرلەۋدى باستايمىز.
ال-فارابي-گاگارين داڭعىلىندا 1000 ورىندىق مەكتەپ، ءال-فارابي - رادوستوۆەس داڭعىلىندا 120 ورىندىق بالاباقشا، رادوستوۆەس جاياۋ جۇرگىنشىلەر كوشەسىن ۇيىمداستىرۋ جوسپارلانۋدا.
2) ادك اۋدانىندا بيىلعى 1 قازانعا دەيىن «اكۆارەل» تك ءارقايسىسىندا 150 ورىندىق 2 بالاباقشا اشىلادى.
«كونكريت پروداكست» ج ش س كوشكەننەن كەيىن 2023 جىلدىڭ ەكىنشى جارتىسىندا 900 ورىندىق جاڭا مەكتەپ، كىرىكتىرىلگەن 180 ورىندىق بالاباقشا، فەلدشەرلىك پۋنكت، ۋچاسكەلىك پوليسيا پۋنكتى جانە بالاباقشا قۇرىلىسى باستالادى.
بيىلعى قىركۇيەكتە №65 مەكتەپكە 300 ورىندىق جاپسارجاي قۇرىلىسى باستالادى، اياقتالۋ مەرزىمى كەلەسى جىلدىڭ 1 قىركۇيەگىنە دەيىن.
3) №2 اۆتوپارك اۋدانىندا قۇرىلىس سالۋشى "BI group" ج ش س تۇرعىن ءۇي كەشەنى قۇرىلىسىنىڭ جوباسىن تۇزەتۋدە، ول 900 ورىندىق مەكتەپتى، 300 ورىندىق بالاباقشانى، 1،2 گا جاسىل ايماقتى قامتيتىن بولادى. مۇنداعى تۇرعىن كەشەنىنىڭ قاباتى 9 قاباتتان اسپاۋى ءتيىس.
4) ساتبايەۆ-شاگابۋتدينوۆ اۋدانىندا-بۇرىن وسى اۋماقتا 11 ءۇيى بار 2 تك قۇرىلىسى قاراستىرىلعان بولاتىن. بۇگىندە قۇرىلىس سالۋشى جوبانى قايتا قاراپ جاتىر. بوساتىلعان اۋماقتا اۋدانى 1 گا قالالىق ساياباق، جالپى پايدالانۋعا ارنالعان سكۆەر مەن تۇراق ورىندارى، سونداي-اق اكىمشىلىك عيمارات سالۋ كوزدەلەدى.
5) اباي داڭعىلى بويىنشا الماتى قالاسىنىڭ قۇرىلۋىن قولداۋ اياسىندا قۇرىلىس سالۋشى اباي داڭعىلى-مىڭبايەۆ-كارىموۆ-20 لينيا كوشەلەرىنىڭ كۆادراتىندا شامامەن 60 سوتىق جەر ۋچاسكەسىن ساتىپ الۋ تۋرالى مەموراندۋمعا قول قويدى.
بۇل اۋماقتا قۇرىلىس سالۋشىمەن بىرلەسىپ بالاباقشا، جاياۋ سەرۋەندەۋگە ارنالعان پرومەنادتىق ايماق، سپورتپەن اينالىسۋعا ارنالعان الاڭ، بالالار الاڭى، 20 جەلى جانە كاريموۆ كوشەلەرى اراسىنداعى سكۆەر سالۋ جوسپارلانۋدا.
3) «رامس city» تك قۇرىلىس سالۋشى – بۇرىنعى جەمىس كونسەرۆى كومبيناتىنىڭ اۋدانى بويىنشا جوبا ۇيلەر سانىن 57-دەن 37-گە دەيىن ازايتۋعا قايتا قارالدى. سونىمەن قاتار، جوبا الەۋمەتتىك نىسانداردىڭ قۇرىلىسىمەن تولىقتىرىلدى: 1100 ورىندىق مەكتەپ، ۋچاسكەلىك پوليسيا پۋنكتى، ءارقايسىسى 120 ورىندىق 2 بالاباقشا.
بۇدان باسقا، قۇرىلىس سالۋشىمەن اۋدانى 1،3 گا بولاتىن جەر ۋچاسكەلەرىن اباتتاندىرۋ جانە كوگالداندىرۋ ءۇشىن ۋچاسكەنىڭ سولتۇستىك جانە وڭتۇستىك جاعىنان الىپ قويۋ ءراسىمى جۇرگىزىلۋدە.
بوستاندىق اۋدانى بويىنشا العاشقى ساپارىم كەزىندە تۇرعىندار مەنەن «يۋجنىي» ساياباعىنداعى جەر تەلىمىن قايتارۋدى سۇرادى.
اعىمداعى جىلعى 19 ساۋىردە الماتى قالاسىنىڭ اكىمدىگى وسى ۋچاسكەنى الىپ قويۋ تۋرالى قاۋلى قابىلدادى، ءبىراق يەسى وتەماقى سوماسىمەن كەلىسپەيدى. سوندىقتان اكىمدىك ەكونوميكالىق سوتقا مەملەكەتتىك مۇلىك ءۇشىن جەر ۋچاسكەسىن ماجبۇرلەپ الىپ قويۋ تۋرالى تالاپ ارىز بەردى. وڭ شەشىم قابىلدانعان جاعدايدا «يۋجنىي» پاركىنىڭ اۋماعى 2،8 گا ۇلعايادى.
بيىلعى 14 شىلدەدە الماتى قالاسى اكىمدىگىنىڭ جاروكوۆ – ليەۆيتان كوشەسىندەگى اۋدانى 30 سوتىق جەر ۋچاسكەسىن الىپ قويۋ تۋرالى قاۋلىسى قابىلداندى. بۇل اۋماقتا 2023 جىلدىڭ قازان ايىنا دەيىن اۋدان تۇرعىندارىنىڭ بوس ۋاقىتى مەن دەمالىسى ءۇشىن سپورتتىق، بالالار جانە workout الاڭدارى ورناتىلادى.
«Mountain Drive» تۇرعىن ءۇي كەشەنىنىڭ جەكەلەگەن جەر تەلىمدەرىن قالا بالانسىنا بەرۋ ماسەلەسى بويىنشا، جەر تەلىمىنىڭ ءبىر بولىگى كوممۋنالدىق مەنشىككە وتكەنىن، ال قالعان بولىگىنە جەرگە ورنالاستىرۋ جوباسى ازىرلەنۋدە ەكەنىن حابارلايمىن. وسىدان كەيىن الماتى قالاسى اكىمدىگىنىڭ قاۋلىسىن قابىلدايمىز.
قازىرگى ۋاقىتتا اۋداندا 35 باۋ-باقشا سەرىكتەستىگى ورنالاسقان، بۇگىنگى كۇنى 7-دەن ماقساتتى جتق-عا اۋىستىرۋ تۋرالى شەشىم قابىلداندى.