قۇربان ايت مەرەكەسىندە الماتىنىڭ ورتالىق مەشىتىندە «اسىل مۇرا» باعدارلاماسى اياسىندا شاھار تۇرعىندارى مەن قوناقتارىنا ارنالعان مادەني جانە سپورتتىق شارا وتەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«شاراعا قاتىسۋشىلاردى ارقان تارتۋ، اسىق اتۋ، ارمرەستلينگ، گىر تاسىن جانە قوشقار كوتەرۋ سەكىلدى سىناقتار كۇتىپ تۇر»، - دەپ حابارلادى الماتى قالالىق ءدىن ىستەرى جونىندەگى باسقارمادان.
جەڭىمپازدار مەن جۇلدەگەرلەر ۇيىمداستىرۋشىلار ۇسىنعان باعالى سىيلىقتارمەن ماراپاتتالادى.
«ۇلتتىق مۇرا» باعدارلاماسى اياسىندا ۇيىمداستىرىلاتىن سپورت شاراسىنىڭ نەگىزگى ماقساتى – مەشىت جاماعاتى اراسىندا دەنە شىنىقتىرۋ مەن سپورتتى، سالاۋاتتى ءومىر سالتىن ناسيحاتتاۋ. سونىمەن قاتار، يسلامنىڭ ءداستۇرلى ەمەس اعىمىنىڭ جەتەگىندە جۇرگەن جاندارعا اسىل ءدىننىڭ وڭ جولىن كورسەتۋ ارقىلى ولاردى باۋىرعا تارتۋ»، - دەپ اتاپ ءوتتى ۇيىمداستىرۋشىلار.
قۇربان ايت - مۇسىلمانداردىڭ ەڭ ماڭىزدى مەرەكەلەرىنىڭ ءبىرى، ول ورازا اياقتالعاننان كەيىن 70-كۇنى تويلانادى. وسى جىلى قۇربان ايت شىلدەنىڭ 9-ى كۇنى باستالىپ، ءۇش كۇنگە جالعاسادى.