ەلىمىزدە قازان ايىنىڭ ءبىرىنشى جەكسەنبىسى ۇزاق ۋاقىت بويى مۇعالىمدەر كۇنى بولىپ كەلدى.
2023 جىلى ءتيىستى قاۋلىعا وزگەرىستەر ەنگىزىلىپ، مەرەكە تۇراقتى كۇنگە يە بولدى، دەپ حابارلايدى aqshamnews.kz
دۇنيەجۇزىلىك مۇعالىمدەر كۇنىن بەكىتۋگە 1966 جىلى 5 قازاندا پاريجدە وتكەن مۇعالىمدەردىڭ مارتەبەسى تۋرالى ارنايى ۇكىمەتارالىق كونفەرەنسيا ۇيىتقى بولدى. ناتيجەسىندە يۋنەسكو مەن حالىقارالىق ەڭبەك ۇيىمىنىڭ وكىلدەرى "مۇعالىمدەردىڭ مارتەبەسىنە قاتىستى ۇسىنىستار" قۇجاتىنا قول قويدى. دۇنيەجۇزىلىك مۇعالىمدەر كۇنى العاش رەت 1994 جىلى 5 قازاندا اتاپ ءوتىلدى.
وقۋ-اعارتۋ مينيسترلىگىنىڭ مالىمەتىنشە، بۇگىنگى تاڭدا ەلىمىزدە بارلىق ءبىلىم بەرۋ ۇيىمدارىندا 600 مىڭعا جۋىق پەداگوگ ەڭبەك ەتۋدە. ونىڭ ىشىندە 399 247 پەداگوگ مەكتەپتەردە، 41 155 پەداگوگ تەحنيكالىق جانە كاسىپتىك ءبىلىم بەرۋ ۇيىمدارىندا ساباق بەرەدى. مەكتەپكە دەيىنگى مەكەمەلەردە 100 566 تاربيەشى جۇمىس ىستەيدى.
ەلىمىزدە 2019 جىلى "پەداگوگ مارتەبەسى تۋرالى" ق ر زاڭى قابىلداندى، ول پەداگوگتەردىڭ جالاقىسىن كوتەرۋدى، ءتيىستى فۋنكسيالارعا سايكەس كەلمەيتىن جۇكتەمەلەر مەن تەكسەرۋلەردەن بوساتۋدى، پەداگوگتەردىڭ الەۋمەتتىك مارتەبەسىن ارتتىرۋدى، وقۋ جۇكتەمەسىن قىسقارتۋدى، ەڭبەك دەمالىسىن ۇزارتۋدى جانە پەداگوگتار ءۇشىن وزگە دە ىنتالاندىرۋدى بەلگىلەۋدى كوزدەيدى.