بۇل قىزمەت اربامەن جۇرەتىن جانە تىرەك-قيمىل اپپاراتى بۇزىلعان مۇگەدەكتىگى بار ادامدارعا، سونداي-اق كورۋ قابىلەتى ناشار ازاماتتارعا قولجەتىمدى.
الماتىدا 6 قازاندا رەسپۋبليكالىق رەفەرەندۋم وتەتىن كۇنى ءجۇرىپ-تۇرۋى قيىن ازاماتتار ءۇشىن قالا اكىمدىگى «ينۆاتاكسي» قىزمەتىن ۇسىنادى، دەپ حابارلايدى aqshamnews.kz
رەفەرەندۋم وتەتىن كۇنى 100 «ينۆاتاكسي» كولىگى قىزمەت كورسەتەدى.
«ينۆاتاكسي» قىزمەتىنە كەلەسى ديسپەچەرلىك قىزمەت نومىرلەرى ارقىلى تاپسىرىس بەرۋگە بولادى:
* تىرەك-قيمىل اپپاراتى بۇزىلعان جانە اربامەن جۇرەتىن ازاماتتار ءۇشىن: +7 747 402 6415، +7 707 710 6050 (WhatsApp)؛
* كورۋ قابىلەتى ناشار ازاماتتار ءۇشىن: +7 705 980 87 09، +7 705 831 48 14.
سونداي-اق، رەفەرەندۋم كۇنى 20 كەزەكشى اۆتوكولىك ءجۇرىپ-تۇرۋى قيىن ازاماتتارعا كولىك قىزمەتىن كورسەتۋ ءۇشىن ۇيىمداستىرىلادى. كەزەكشى كولىكتەرگە 338-30-09 ءنومىرى ارقىلى قوڭىراۋ شالۋعا بولادى. وسى ءنومىر ارقىلى مۇگەدەكتىگى بار ادامدار كورسەتىلەتىن قىزمەتتەردىڭ ساپاسى بويىنشا جۇگىنە الادى.