بۇگىن تۇندە اسپان الەمىندە ەرەكشە قۇبىلىس – جەتى پلانەتانىڭ شەرۋىن كورە الاسىز. بۇل سيرەك كەزدەسەتىن استرونوميالىق وقيعا كەزىندە مارس، يۋپيتەر، ۋران، ۆەنەرا، نەپتۋن جانە ساتۋرن ءوز وربيتالارىندا ءبىر سىزىق بويىنا ورنالاسادى.
استرونومداردىڭ ايتۋىنشا، مۇنداي قۇبىلىستى انىق كورۋ ءۇشىن قالانىڭ جارىعىنان الىس، اشىق اسپان استىنداعى جەرلەرگە بارۋ كەرەك. مىسالى، قالا ماڭىندا نەمەسە اشىق دالادا جۇلدىزدار بارىنشا انىق بايقالۋى مۇمكىن.
بۇل ءساتتى جىبەرىپ الماۋ ءۇشىن ءدۇربى نەمەسە تەلەسكوپ پايدالانۋ ۇسىنىلادى، ويتكەنى كەيبىر پلانەتالار كوزگە كورىنبەۋى مۇمكىن.
