10 قاڭتار، ياعني دۇيسەنبى – قازاقستاندا جالپىۇلتتىق ازا تۇتۋ كۇنى.
پرەزيدەنت قاسىم-جومارت توقايەۆ وسىنداي جارلىققا قول قويعان بولاتىن.
لاڭكەستەردىڭ قولىنان قاراپايىم قازاقستاندىقتار دا، قۇقىق قورعاۋ قىزمەتكەرلەرى دە قازا تاپتى. ءتارتىپ بويىنشا جالپىۇلتتىق ازا تۇتۋ كۇنى مەملەكەتتىك ورگاندار مەن جەرگىلىكتى اكىمدىكتەردىڭ، شەكارالىق ديپلوماتيالىق مەكەمەلەردىڭ عيماراتىنداعى مەملەكەتتىك تۋ تومەن تۇسىرىلەدى. ويىن-ساۋىقتىق شارالار مەن وسى مازمۇنداعى تەلەباعدارلامالار توقتاتىلادى. تاۋەلسىزدىك العان 1991 جىلدان بەرى قازاقستاندا ازا تۇتۋ كۇنى وسىمەن 11ء-شى رەت جاريالانىپ وتىر. ال بۇل قازاقستاندىقتار ءۇشىن سوڭعى ەكى جىلداعى ءتورتىنشى قارالى كۇن.
پرەزيدەنت ەلدەگى جاعدايعا بايلانىستى ءبىرقاتار تاپسىرما بەردى.
بۇعان دەيىن ۇكىمەت وتستاۆكاعا كەتكەن بولاتىن. پرەمەر-مينيستردىڭ قىزمەتىن ۋاقىتشا ءاليحان سمايىلوۆ اتقارادى. ەرلان قارين مەملەكەتتىك حاتشى بولىپ تاعايىندالدى. ال الماتى مەن ماڭعىستاۋ وبلىسىندا توتەنشە جاعداي رەجيمى ەنگىزىلدى. جالپى، بۇعان دەيىن قازاقستاندا توتەنشە جاعداي نەشە رەت جاريالاندى؟ توتەنشە جاعداي كەزىندە نەنى ءبىلۋ كەرەك؟
بۇعان دەيىن ايتىلعانداي، گاز باعاسىن ارنايى كوميسسيا رەتتەيدى. ال سەنات ءتوراعاسى نارازىلىق شاراسى ديالوگ نەگىزىندە شەشىلۋ كەرەكتىگىن ايتقان. سونداي-اق گاز باعاسىنىڭ كوتەرىلۋىنە قاتىستى تەرگەۋ ءجۇرىپ جاتىر.