الماتىدا 77 سۋپەرماركەت جۇمىسىن قايتا باستادى
الماتى اكىمى باقىتجان ساعىنتايەۆ قالا تىرشىلىگىن قالپىنا كەلتىرۋ بويىنشا جۇمىستاردىڭ بارىسىن تەكسەردى، دەپ حابارلايدى Almaty-akshamy.kz.
سۋپەرماركەتتەردىڭ بىرىنە بارعان اكىم تاۋارلار اسسورتيمەنتىن جانە دۇكەندەردە ازىق-تۇلىك قويمالارىنىڭ بولۋىن قاراپ شىقتى.
«بۇگىنگى كۇنى قالا ازىق-تۇلىك تاۋارلارىمەن جانە ءبىرىنشى قاجەتتىلىكتەگى تاۋارلارمەن جەتكىلىكتى كولەمدە قامتاماسىز ەتىلگەن. الاڭداۋعا نەگىز جوق»، - دەدى ب.ساعىنتايەۆ.
الماتىدا 77 سۋپەرماركەت جۇمىسىن قايتا باستادى. سونىڭ ىشىندە 39-ى – «Magnum» دۇكەندەر جەلىسى، 9 – «Small»، 1 –«تويمارت». ءۇش ءىرى ازىق-تۇلىك بازارى جۇمىس ىستەپ تۇر. ولار - «بارىس»، «الماتى 1»، «ارىستان».
44 جانار-جاعارماي قۇيۋ بەكەتتەرىنىڭ قىزمەتى جانداندى، تاعى 25ء-ى جۇمىسىن باستاۋعا ازىرلىك جۇرگىزۋدە.
ونىمەن قوسا، 111 ءدارىحانا، ونىڭ ىشىندە 107ء-سى ساعات 08.00 – 19.00 ارالىعىندا اشىق بولادى. 4 ءدارىحانا تاۋلىك بويى جۇمىس جاسايدى.