بۇل كۇن الەمنىڭ بارلىق ەلىندە اتاپ وتىلەدى.
ەلىمىزدەگى بەلسەندى ۆولونتەرلەر سانى 240 مىڭ، دەپ حابارلايدى aqshamnews.kz
قازاقستاندا ۆولونتەرلەر قىزمەتى جىل سايىن قارقىن الىپ كەلەدى. ەلىمىزدەگى بەلسەندى ۆولونتەرلەر سانى 240 مىڭعا، ۆولونتەرلەر ۇيىمدارىنىڭ سانى 740-قا، باستاماشىل توپتاردىڭ سانى 1800-گە جەتتى.
ۇلتتىق فرونت-وفيس جانە 20 ايماقتىق فرونت-وفيس ۆولونتەرلەرىنىڭ قىزمەتى ءتيىمدى جۇزەگە اسىرىلۋدا. جىل سايىن 50-دەن استام ۆولونتەرلىك جوبالار ىسكە اسىرىلادى.
2024 جىلى 55 جوبا ىسكە اسىرىلۋدا. سونداي-اق ۆولونتەرلەر باستامالارىن قولداۋ ماقساتىندا 240 شاعىن گرانت بەرىلدى.
قازاقستاندا ۆولونتەرلەر جوعالعان ادامداردى ىزدەۋگە كوپ قاتىسادى. ولاردىڭ سانى 35 مىڭدى قۇرايدى. بۇل قوزعالىس ەلدەگى ەڭ ءىرى باستاما جانە 250-دەن استام باستاماشىل توپتى، 80 تىركەلگەن ىزدەستىرۋ-قۇتقارۋ ۇيىمىن قامتيدى.
سونداي-اق، قازاقستان باسقا ەلدەردىڭ ۆولونتەرلىك ۇيىمدارىمەن دە بەلسەندى ىنتىماقتاستىق ورناتۋدا. بۇل تاجىريبە الماسۋ جانە ۆولونتەرلىكتىڭ ورتاق ميسسياسىن جۇزەگە اسىرۋ ءۇشىن ماڭىزدى. 2024 جىلى جەتى قازاقستاندىق ۆولونتەر بۇۇ قۇرىلىمدارىندا جۇمىس ىستەۋ ءۇشىن تۇركيا، كەنيا جانە تايلاندقا جىبەرىلدى.