بۇگىن، 26 ماۋسىمدا بۇكىل الەم زاڭسىز ەسىرتكى اينالىمىمەن كۇرەسۋ كۇنىن اتاپ ءوتىپ جاتىر دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
بۇل اتاۋلى كۇن 1987 جىلى بۇۇ باس اسسامبلەياسىنىڭ ءوز قىزمەتىن كۇشەيتۋگە جانە ناشاقورلىقسىز الەمدىك قوعام قۇرۋعا دەگەن شەشىمىمەن بەكىتىلدى.
بۇل كۇن قوعامنىڭ نازارىن ناشاقورلىقتىڭ جاھاندىق پروبلەماسىنا، ونىڭ سالدارى مەن ونى جەڭۋگە باعىتتالعان كۇش-جىگەرگە ارنالعان.
ناشاقورلىق جانە ولاردىڭ زاڭسىز اينالىمى بۇكىل الەم بويىنشا ميلليونداعان ادامنىڭ دەنساۋلىعى مەن ءال-اۋقاتىنا ۇلكەن اسەر ەتەدى. حالىقارالىق ەسىرتكىنى تەرىس پايدالانۋمەن كۇرەس كۇنى ونى شەشۋ ءۇشىن بىرلەسكەن كۇش-جىگەردىڭ قاجەتتىلىگىن ەسكە سالادى.
ستاتيستيكاعا سايكەس سوڭعى بەس جىلدا ەسىرتكىگە تاۋەلدى پاسيەنتتەردىڭ سانى ازايدى. 2022 جىلى ەسىرتكىنى قولدانعان 17 085 پاسيەنت ديناميكالىق باقىلاۋدا بولدى. بۇگىنگى تاڭدا 18 مىڭنان استام پاسيەنت ديناميكالىق باقىلاۋدا.
وكىنىشكە قاراي، جاڭا پسيحواكتيۆتى سينتەتيكالىق زاتتارعا قۇمار ناۋقاستاردىڭ سانى كۇرت وسكەن. مىسالى، 2018 جىلى ەلدە سينتەتيكالىق ەسىرتكى قولدانعان 147 تۇرعىن ديناميكالىق باقىلاۋدا بولسا، ءقازىر ولاردىڭ سانى – 731.
قازاقستاندا 76 ەمحانا مەن اۋداندىق اۋرۋحانادا 212 پسيحولوگ كابينەتى جۇمىس ىستەيدى. سونىمەن قاتار، 2016 جىلى قازاقستاندا جىلىنا 30 پسيحياتر، ناركولوگ-مامان وقىتىلدى. ءقازىر ءبىلىم گرانتتارىن العان 152 رەزيدەنت جوعارى وقۋ ورىندارىندا وقيدى. سوڭعى جەتى جىلدا پسيحولوگ-مامانداردىڭ، ناركولوگتاردىڭ سانى 15-20%-عا ءوستى.
ەلىمىزدىڭ ستاسيونارلىق كومەك ورتالىقتارىندا 3 747 توسەك بار. ونىڭ ىشىندە 270 توسەك مەديسينالىق-الەۋمەتتىك ساۋىقتىرۋعا ارنالعان. وتكەن جىلدىڭ باسىندا ەلىمىزدە 6 ساۋىقتىرۋ بولىمشەسى جۇمىس ىستەي باستادى، ال جىل سوڭىنا قاراي 13 وڭىردە ساۋىقتىرۋ بولىمشەسى اشىلدى.