بيىل ءبىلىم بەرۋ گرانتتارىن تاعايىنداۋ كونكۋرسىنا 80 مىڭعا جۋىق ءوتىنىم بەرىلگەن.
مەملەكەتتىك ءبىلىم گرانتتارىن بەرۋ جونىندەگى رەسپۋبليكالىق كوميسسيانىڭ جۇمىسى اياقتالدى، دەپ حابارلايدى Almaty-akshamy.kz
قۇرامىنا مينيسترلىكتىڭ، مەملەكەتتىك ورگانداردىڭ، ءبىلىم بەرۋ سالاسىنداعى كاسىپوداقتاردىڭ، ق ر ۇلتتىق كاسىپكەرلەر پالاتاسىنىڭ، ب ا ق، قازاقستاننىڭ ازاماتتىق اليانسىنىڭ جانە قوعامدىق ۇيىمداردىڭ وكىلدەرى كىرەتىن كوميسسيا ۇمىتكەرلەردىڭ وتىنىمدەرىن قارايدى.
بۇدان كەيىن، بەكىتىلگەن ەرەجەلەرگە سايكەس، ۇبت-دان ءوتۋ كەزىندە تالاپكەرلەر جيناعان بالدارعا سايكەس كونكۋرستىق نەگىزدە گرانتتار بەرىلەتىن بولادى، - دەپ ءتۇسىندىردى ۆەدومستۆودا.
«بيىل حالىقتىڭ الەۋمەتتىك وسال توپتارىنان شىققان بالالارعا ارنالعان گرانتتار سانى ارتتى. ياعني، كوپ بالالى نەمەسە تولىق ەمەس وتباسىلاردان شىققان بالالار، سونداي-اق ەرەكشە ءبىلىم بەرۋ قاجەتتىلىكتەرى بار بالالاردى تاربيەلەپ وتىرعان وتباسىلاردا گرانت الۋ مۇمكىندىگى جوعارى. سونداي-اق، اۋىل جاستارى مەن قازاقستان ازاماتتارى بولىپ تابىلمايتىن ۇلتى قازاق ادامدارعا كۆوتالار قاراستىرىلعان»، - دەپ حابارلادى عىلىم جانە جوعارى ءبىلىم مينيسترلىگى.